00:42 27 Бугу 2019
Түз эфир
  • USD69.8500
  • EUR78.1272
  • RUB1.0811
Олимпиадалык оюндардын желеги. Архив

Кыргызстандык спортчулар олимпиадага 21 жолдомо алат деп болжолдонууда

© Sputnik / Владимир Астапкович
Спорт
Кыскача шилтеме алуу
122 0 0

Токио шаарында 2020-жылы олимпиада жана паралимпиада оюндары өтмөкчү.

БИШКЕК, 10-май — Sputnik. Кыргызстандык спортчулар олимпиада жана паралимпиадалык оюндарга катышуу үчүн 21 жолдомо алууну пландап жатат. Бул тууралуу Жаштар иши, дене тарбия жана спорт мамлекеттик агенттигинен билдиришти.

Аталган агенттиктин директорунун орун басары Канатбек Арпачиевдин айтымында, 13 спорттун түрү боюнча лицензияга ээ болуу аракети көрүлүүдө.

"Биз күрөштүн үч түрү, дзюдо, жеңил атлетика, бокс, оор атлетика, сууда сүзүү, триатлон сыяктуу 13 спорттун түрү боюнча 21 лицензия алууну көздөп жатабыз. Алар боюнча быйыл бир катар турнирлер башталды. Жыл башынан бери өлкөнүн курама командалары 21 эл аралык мелдеште ат салышып, 37 медаль тагынды. Андан сырткары, жети Азия чемпионатында 12 медалга жетти", — деди Арпачиев.

Ал ошондой эле ата мекендик спортчулар дагы 94 эл аралык мелдеште күч сынаша тургандыгын кошумчалады.

Эске сала кетсек, 2020-жылы олимпиада жана паралимпиадалык оюндар Япониянын борбору Токио шаарында уюштурулат.

Тема боюнча

Айсулуу Тыныбекова килемде чимирилгенде... Балбандын машыккан видеосу
Азиядан алтын утуп, желекти желбиретти. Үзүрдүн финалдагы видеосу
Белгилер:
лицензия, Олимпиадалык оюндар, Кыргызстан

ЭҢ МААНИЛҮҮ