14:37 19 Бештин айы 2018
Түз эфир
  • USD69.8317
  • EUR79.3952
  • RUB1.0462
Жеңил салмак боюнча UFC чемпиону Хабиб Нурмагомедов. Архив

Нурмагомедовдун атасы уулу Мейвезер менен качан беттешиши мүмкүн экенин айтты

© Sputnik / Саид Царнаев
Спорт
Кыскача шилтеме алуу
394 0 0

Мелдешти уюштуруу иштерине АКШнын Невада Атлетикалык комиссиясынын жыйынтыгынан көз каранды.

БИШКЕК, 7-дек. — Sputnik. Жеңил салмак боюнча UFC чемпиону Хабиб Нурмагомедов менен америкалык боксчу Флойд Мейвезер 4-майда Грозный шаарында беттешиши мүмкүн. Бул тууралуу спортчунун атасы Абдулманап Нурмагомедов "Известия" басылмасына маек берип жатып айтты.

"Экөө беттешип калышы толук мүмкүн. Флойд биздин команда менен өзү байланышка чыкты. Бул таймаш спортчулардын өздөрүнө гана эмес, ири инвесторлорго дагы өтө керек. Ал Грозныйдагы "Ахмат-арене" жайында өтүшү мүмкүн", — деди ал.

Анын айтымында, эгер АКШнын Невада шатынын Атлетикалык комиссиясы Хабибди дисквалификация кылса, спортчу 11 ай бою UFC мелдештерине катыша албайт. Бирок ошол учурда Мейвезер менен "жолугушууга" жакшылап даярданууга шарт түзүлөт. Ал эми алты айга четтетсе, келе жаткан жылдын 7-апрелиндеги UFC турнирине катышат.

Хабиб Нурмагомедов 6-октябрда UFC 229 турниринин алкагында Конор Макгрегорду төртүнчү раундда муунтуу ыкмасы менен утуп, жеңил салмактагы наамын коргоп калган.

Беттештен кийин Нурмагомедов ачуусу менен буга чейин эле намысына тийип жүргөн Макгрегордун спарринг-өнөктөшүн тордон секирип барып тээп, чаап, жаңжал чыгарган. Мунун кесепетинен эки мушкердин командасы, ошондой эле көрүүчүлөр арасында массалык мушташ жаралган.

Кийинчерээк Хабиб күйөрмандарынан кечирим сураган.

Нурмагомедов Макгрегорду уткандан кийин атактуу боксчу Мейвезерди беттешке чакырган, ал эми америкалык мушкер телеканалдар турнирди чагылдырууга каражат топтой бериши керектигин жар салган. Анткен менен UFC Дана Уайт спортчулар ММА эрежеси менен гана беттеш өткөрө турганын айтты.

Тема боюнча

UFC башчысы Хабиб Нурмагомедовдун болжолдуу үч атаандашын атады
UFC: Хабиб кийинки беттешинде 50 млн. доллар табышы мүмкүн
Белгилер:
чемпион, Жаңжал, беттешүү, UFC, Конор Макгрегор, Хабиб Нурмагомедов
Колдонуу эрежелериПикирлер

ЭҢ МААНИЛҮҮ