Акчам тамагыңарга тыгылып калбасын! Нурмагомедов UFC уюмун катуу сындады

© AP Photo / John LocherРоссиялык мушкер Хабиб Нурмагомедов. Архив
Россиялык мушкер Хабиб Нурмагомедов. Архив - Sputnik Кыргызстан
Жазылуу
Спортчу атаандашы Мокгрегордун командасы жазаланбаганына нааразы болууда.

БИШКЕК, 12-окт. — Sputnik. Россиялык мушкер Хабиб Нурмагомедов UFC уюмун сынга алып, аны менен келишимди үзүп салышы мүмкүн экенин айтты. Спортчу билдирүүсүн 11-октябрь күнү өзүнүн Instagram баракчасына жарыялаган.

Мушкер буга чейин Конор Макгрегордун командасы автобуска кол салып, эки адам жаракат алганда UFC эч кимди жумуштан кетирбегенине нааразы болууда.

"Алар ошол жерден бирөөнү өлтүрүп алышы мүмкүн эле. Эмнеге менин мекениме, туткан диниме, улутума, үй-бүлөмө карата орой сөздөр айтылып жатканда эч ким унчукпайт? Эмнеге эки тарап бирдей мушташып жатса, менин гана командам жооп бериши керек. Урушту мен баштаган жокмун. Мен башталган нерсени гана аягына чыгардым", — деп жазды Нурмагомедов.

Анын айтымында, досу Зубайра Тухугов октагондо Макгрегорго кол салгандыгы үчүн UFC анын таймашын токтотуп салган.

Турнир UFC 229 в Лас-Вегасе. Хабиб Нурмагомедов — Конор Макгрегор - Sputnik Кыргызстан
Хабибдин Instagram баракчасына катталгандардын саны эки эсе өсүп, 12 млн. болду
"Эгер мени унчукпай отуруп калат десеңер, жаңылышасыңар. Зубайраны Конорго кол көтөргөндүгү үчүн жумуштан айдаганы жатасыңар. Конор өзү менин башка досумду биринчи чаап жибербеди беле. Эгер аны кетире турган болсоңор, мага дагы келишимди жокко чыгарган документтерди жөнөткүлө. Болбосо аны мен өзүм жок кылам. Анткени бизде, Россияда эч ким жакын адамдарын ара жолго таштабайт", — деди спортчу.

Ошондой эле ал мелдештен кийин UFC бербей койгон 2 миллион доллар сый акысын "өзүңөр ала бергиле" деген оюн айтты.

"Байкагыла, ошол акча тамагыңардан өтпөй калбасын", — деген сөздөр менен Нурмагомедов постун аяктады.

Бой Хабиба Нурмагомедова и Конора Макгрегора в UFC - Sputnik Кыргызстан
Макгрегордун дагы беттештен кийин алчу 3 млн. долларлык сый акысы тоңдурулат
Эскерте кетсек, Хабиб Нурмагомедов Лас-Вегаста өткөн UFC 229 турниринин башкы беттешинде Конор Макгрегорду муунтуу ыкмасы менен утуп алган. Таймаштан соң россиялык мушкер октагондон секирип түшүп, атаандашынын спарринг-өнөктөшү Диллон Дэниске кол салган. Ал эми тор ичинде Макгрегорго Хабибдин досу Зубайра Тухугов менен агасы Абубакар кол көтөргөн.

Мындан соң UFC президенти Дана Уайт уюмдун мушкер Зубайра Тухугов менен түзүлгөн келишими калыбына келгис болуп бузуларын айткан.

Жаңылыктар түрмөгү
0