08:52 10 Бештин айы 2019
Түз эфир
  • USD69.8500
  • EUR77.2820
  • RUB1.0961
Жакартада өтүп жаткан Азия оюндарында кыргызстандык балбан Каныбек Жолчубеков казакстандык Мирамбек Айнагуловду утуп финалга чыкты.

Каныбек Жолчубеков казакстандык балбанды 53 секундда көтөрүп чаап финалга чыкты

© AFP 2019 / AAMIR QURESHI
Спорт
Кыскача шилтеме алуу
Азия оюндары — 2018 (47)
206340

Каныбек Жолчубековдон сырткары дагы үч кыргызстандык балбан коло байге үчүн күрөшүүгө жолдомо алды.

БИШКЕК, 21-авг. — Sputnik. Жакартада өтүп жаткан Азия оюндарында кыргызстандык балбан Каныбек Жолчубеков казакстандык Мирамбек Айнагуловду утуп финалга чыкты.

Жолчубеков грек-рим күрөшү боюнча 60 килограмм салмак категориясында кармашка чыгып жатат. Ал биринчи айлампада Түндүк Кореядан келген Ри Се Унг менен күрөшүп 2:0 эсебинде жеңилип бараткан. Бирок партерден аны көтөрүп чаап, үч-төрт ыкма жасай коюп 10:2 эсебинде утуп алды.

Экинчи айлампада кытайлык Сайлак Валихан менен кез келип, аны 6:1 эсеби менен жеңди. Жарым финалдык кармашуу да көпкө созулган жок, 53 секунддун ичинде кайра эле көтөрүп чабуу ыкмасын жасап казакстандык атаандашын жер каратты. Натыйжада 9:0 эсеби менен жеңишти камсыздап финалга жолдомо алды.

Мындан сырткары, кыз-келинер арасындагы күрөштөн кыргызстандык Айпери Медет кызы менен Мээрим Жуманазарова жарым финалга чейин жетип жеңилүү ызасын тартышты. Грек-рим күрөшүнөн Амантур Исмаилов чейрек финалдан жеңилип, бирок аны уткан атаандашы финалга чыкканы үчүн кайра кармаш өткөрүп жеңишке жетти.

Эми жогоруда аты аталган үч спортчу тең коло байге үчүн күрөшөт. Финалдык оюндар кечки саат 18:00дө башталат.

Белгилей кетсек, буга чейин кыз-келиндер арасындагы күрөштөн Айсулуу Тыныбекова, эркин күрөштөн Магомед Мусаев күмүш медаль уткан.

Тема:
Азия оюндары — 2018 (47)

Тема боюнча

Айсулуу Тыныбекова Азия оюндарынан күмүш медаль утту
Айсулуу Тыныбекова атаандашынан акыркы секунддарда жеңишти жулуп алды. Видео
Ураа, алгачкы медаль! Магомед Мусаев Азия оюндарында күмүш байгеге ээ болду
Белгилер:
жеңиш, грек-рим күрөшү, Азия оюндары, Каныбек Жолчубеков

ЭҢ МААНИЛҮҮ