БИШКЕК, 20-июн. — Sputnik. Япондук күйөрмандар Саранскиде футбол боюнча чемпионаттын алкагында өткөн Япония — Колумбия командаларынын беттешинен кийин стадионду жыйнап кетти.
Колумбиялык күйөрмандар тарткан видео Youtube каналына жарыяланган. Анда футбол көрүүгө келген япондуктар желим баштыкка ыргытылган стакандарды, тамак-аш салынган кагаздарды жана башка таштандыларды салып жаткандыгын көрүүгө болот.
Япония менен Колумбиянын футбол командаларынын беттешти Мордовиянын борборунда болуп, жыйынтыгында Күн чыгыш өлкөсү жеңген.
