13:07 14 Жетинин айы 2019
Түз эфир
  • USD69.8500
  • EUR76.8979
  • RUB1.0880
Коомдук телерадиокорпорациянын жетекчиси Илим Карыпбековдун архивдик сүрөтү

Карыпбеков КТРК комментаторлоруна айтылган сынга жооп берди

© Sputnik / Табылды Кадырбеков
Спорт
Кыскача шилтеме алуу
Россиядагы футбол боюнча дүйнө чемпионаты (112)
86721

КТРК директору соцтармактагыларга төрт собол узаткан.

БИШКЕК, 18-июн. — Sputnik. Коомдук телерадиокорпорациянын жетекчиси Илим Карыпбеков футбол комментаторлорунун ишинде кемчиликтер бар экенин моюндап, сын айткандарга жооп берди.

КТРК буга чейин Футбол боюнча дүйнө чемпионатын трансляциялоого эксклюзивдик укук алган. Биринчиликтин алгачкы оюндарынан тартып эле социалдык тармактын колдонуучулары комментаторлордун айрым айткандарына сын пикирин билдирип чыккан.

Карыпбеков "чемпионат башталгандан бери КТРКнын Спорт каналын, ал жерде иштеп жаткан комментаторлорун сөкпөгөн киши аз эле калганын" белгилеген.

"Туура, кемчиликтери бар, жок деп эчким айткан жок. Туура, Матч ТВ жана башка орусиялык комментаторлорго караганда деңгээли төмөнүрөөк, аны дагы танган жокпуз", — деп жазган КТРК жетекчиси.

Ошол эле учурда ал кыргызстандыктарга суроо салып, спорттук канал эки гана жыл мурун түптөлгөнүн эске салды.

"Бизде Россиянын 40-50 жылдык тарыхы бар спорт каналындай тарыхыбыз жок. Университеттерде комментаторлорду окуткан бөлүмдөр эмес, курс, мектеп дагы жок. Ушундай шартта эки жыл мурун спорт каналыбыз пайда болду. Балдар эч кандай колдоосуз, өз күчтөрү менен аракет кылып жатканда колдоп койсок болбойбу же бул өтө эле чоң суранычпы?" — деп суроо салган.

Ал ошондой эле комментатор балдарга штаттын жетишсиздигинен улам маяна дагы каралбаганын белгиледи.

"КТРК Спорт каналынын штатында комментатор деген түшүнүк жок, ал эмес жөн эле журналист деген штат дагы бөлүнгөн эмес. Демек комментатор балдар айлык албайт. Футбол сүйүүчүлөр өз ыктыяры менен келип 600-700 сом гонорарга иштеп беришет. Ушундай абалда ката кылып жатышса да "аракетиңерге рахмат" деп койсо болобу же алар сөгүп, тилдегенге гана татыктуубу", — деп КТРК башчысы экинчи суроосун узаткан.

Карыпбеков кыргыз тилинде сүйлөгөн комментаторлорго карата дагы сындар айтылып жатканына көңүлүн бурган.

"Кыргыз тилин өнүктүрүш керек дейбиз, бирок Россиянын Матч ТВсынын комментаторун угат элек дегендер чыгып жатат. Андан көрө жаңы такшалып келе жаткан өзүбүздүн балдарыбызга колдоо көрсөтсөк болбойбу. Мейли сындайлы, бирок сөгүп-сагып, жеке жашоосуна чейин асылып кетип жатабыз", — деди Карыпбеков.

Каналдын башчысы комментатор балдарды сындан сабак алууга, бирок эч качан сынбоого чакырган.

Тема:
Россиядагы футбол боюнча дүйнө чемпионаты (112)

Тема боюнча

Жээнбеков кайсы футболдук командаларга күйөрмандык кыларын айтты
Жээнбеков футбол боюнча чемпионаттын ачылышына катышты. Сүрөттөр
Белгилер:
футбол, КТРК, Илим Карыпбеков, Кыргызстан

ЭҢ МААНИЛҮҮ