"Барселона" "ПСЖны" 6:1 эсебинде утуп, чейрек финалга жолдомо алды

© REUTERS / Albert GeaМатч "Барселона" – "Пари Сен-Жермен"
Матч Барселона – Пари Сен-Жермен - Sputnik Кыргызстан
Жазылуу
Барселонанын "Камп Ноу" стадионунда өткөн оюн 6:1 эсеби менен жыйынтыкталды.

БИШКЕК, 9-мар. — Sputnik. Испаниянын "Барселона" футбол клубу өз үйүндө француздардын "Пари Сен-Жермен" клубун утуп, Чемпиондор лигасынын чейрек финалга чыкты. Бул тууралуу РИА Новости билдирди.

Футбол күйөрмандары. Архив - Sputnik Кыргызстан
Футбол: Кыргызстан — Макао беттешинин билеттери 18-марттан тарта сатыкка чыгат
Шаршемби күнү Барселонанын "Камп Ноу" стадионунда өткөн оюн 6:1 эсебинде жыйынтыкталды. Анда испан клубунун оюнчулары Луис Суарез, Лионель Месси, Неймар жана Серхи Робертолор каршылаштарынын дарбазасына гол киргизишти.

Парижде өткөн беттеште "ПСЖ" "Барселонаны" 4:0 эсебинде уткан. Ошентип, эки беттешүүнүн жыйынтыгы боюнча испан командасы 6:5 эсебинде чейрек финалга чыкты.

Бирок буга чейин эксперттер менен күйөрмандар "Барселона" Франциядагы жеңилүүсүнөн кийин чейрек финалга чыга албай тургандыгын божомолдоп келишкен.

Эми испан клубунун чейрек финалда беттеше турган каршылаштары 17-мартта өтө турган чучукулактан кийин белгилүү болот.

Жаңылыктар түрмөгү
0