БИШКЕК, 21-май — Sputnik. Пляж волейболу боюнча Кыргызстандын чемпионаты Ысык-Көлдүн Чолпон-Ата шаарында өтөт. Бул туурасында КРдин Волейбол боюнча федерациясынан билдиришти.
Турнир 27-майда башталат. Өлкөнүн экинчи чемпионаты үч тур менен өтөт. 1-тур Чолпон-Ата калаасында 27-29-майда болот. Ал эми экинчи жана үчүнчү тур июль, сентябрь айларына пландалган.
Пляж волейболу боюнча өлкөнүн I чемпионаты 2015-жылдын 7-9-августунда болуп, ага Чүй, Ысык-Көл, Баткен, Талас жана Ош облустарынан 22 команда катышкан.
