БИШКЕК, 25-мар. — Sputnik. Бишкекте Кыргызстандын кикбоксинг боюнча чемпионаты (лоу-кик) баштала турганын Мамлекеттик жаштар иши, дене тарбия жана спорт агенттиги билдирди.
Мелдеш 25-27-март күндөрү Кожомкул атындагы спорт ордосунда өтөт. Мыкты мушкерлер дүйнө жана Азия чемпионаттары үчүн тандалып алынмакчы.
Чемпионатка 18 жаштан жогорку курактагы эркектер жана кыз-келиндер катыша алат. Турнир WAKO (Дүйнөлүк кикбоксчулар уюмунун ассоциациясы) эрежеси боюнча өтөт.
Мелдешти өткөрүү үчүн спорттун олимпиадалык эмес түрлөрү боюнча дирекция 68 миң сом бөлүп берген.
