05:23 25 Бугу 2017
Түз эфир
Футбол. ЕВРО - 2012. Матч сборных Португалии и Нидерландов

"Алтын топтун" талапкерлери Криштиану Роналду, Месси жана Нойер

© Sputnik / Александр Нестеров
Спорт
Кыскача шилтеме алуу
40 0 0

"Алтын топту" алууга үч талапкердин ичинен жеңүүчү 2015-жылдын 12-январында Цюрихте боло турган салтанатта аныкталат.

БИШКЕК, 2-дек — Sputnik. Мадриддик "Реалдын" чабуулчусу португалиялык Криштиану Роналду, "Барселонанын" форварды аргентиналык Лионель Месси, Мюнхендин "Бавария" тобунун жана Германиянын курама командасынын дарбазачысы Мануэль Нойер 2014-жылдын мыкты футболчусуна тапшырылчу ФИФАнын "Алтын тобун" алууга талапкер болгон үч мыкты оюнчу деп аталды. Бул тууралуу "Р-Спорт" байгенин уюштуруу комитетиндеги жеке маалымат булагына таянуу менен билдирди.

Жеңүүчү 2015-жылдын 12-январында Цюрихте боло турган салтанатта аныкталат. Өткөн жылдын жыйынтыгы боюнча "Алтын топ" Криштиану Роналдуга ыйгарылган. Ага чейин мыкты футболчунун байгесин төрт жолу катары менен Месси алып келген. Аталган сыйлык 2010-жылы France Footballдун "Алтын тобу" менен "ФИФАнын жыл оюнчусу" кошулгандан кийин негиздеген. 

ФИФАнын президенти Йозеф Блаттер Германиянын курама тобу менен 2014-жылдагы дүйнөлүк чемпионатты жеңип алган Нойерди жылдын жыйынтыгы боюнча дүйнөнүн мыкты оюнчусу деп эсептерин мурдатан "Р-Спорт" агенттигине билдирген эле. Блаттер дүйнөлүк чемпионаттын мыкты оюнчусу сыйлыгын Аргентинанын курама тобунун форварды Мессиге берүү чечими туура эмес болчу деп белгилеген.

Германиянын курама тобу дүйнөлүк чемпионаттын финалында Аргентинанын командасын 1:0 эсеби менен жеңип алган. Аларга жеңиш алып келген жалгыз топ кошумча убакыт учурунда киргизилген болчу. Криштиану Роналду ойноган Португалиянын курама командасы топтон чыга алган эмес. Ошол эле учурда Роналду 2014-жылы "Реалдын" курамында Чемпиондордун лигасын утуп алган.

Белгилер:
Футбол, Спорт, Алтын топ, Мануэль Нойер, Лионель Месси, Криштиану Роналду

ЭҢ МААНИЛҮҮ

  • Дарыканада кезекте турган адамдар. Архив

    Бахила сатып алууга мажбурлоо менен медициналык мекемелер 100 миңге чукул каражат табарын көпчүлүк этибарга албаса керек. А бирок, ооруканаларга баш баккандардан акча өндүрүүгө министр тыюу салган. Биздин колумнист жана кабарчыбыз Максат Элебесов бул көрүнүшкө көз жуумп кое албастан, иликтеп чыккан.

    527
  • Жогорку Кеңештин депутаты жана мурдагы журналист Каныбек Иманалиев НТС каналынын Кайгуул ТВ программасынын алып баруучусу, журналист, Азият Жекшеевден интервью алды.

    Биз окурмандарга башкача өңүттөгү маектерди тартуулоого ниеттендик. Бул рубрикабызда интервьюну журналисттер эмес, алардан саясатчылар алат. Төмөндө Жогорку Кеңештин депутаты жана мурдагы журналист Каныбек Иманалиевге НТС каналынын "Кайгуул ТВ" программасынын алып баруучусу, журналист, Азият Жекшеев интервью берди.

    1524
  • Республикалык кан борборунун жетекчисинин орун басары Айганыш Сатыбалдиева

    Кырсык менен оору айтпай келет. Өлүм алдында жаткан адамга жардам берүүнүн жолу ар түрдүү. Маселен, сенин тамырыңда айланып жаткан кан башка бирөөнүн жүрөгүнө жетиши мүмкүн. Донорлуктун жол-жобосу тууралуу журналист Гүлдана Талантбекова билип көрдү.

    276