12:54 25 Кулжа 2021
Түз эфир
  • USD84.6625
  • EUR100.9643
  • RUB1.1706
Коом
Кыскача шилтеме алуу
Баткендеги кыргыз-тажик жаңжалы (299)
524 0 0

Маркумдун жакындарынын айтымында, Эсентур Кубанычбек уулу Россиядан чек ара кызматы боюнча жогорку аскердик окуу жайын бүтүрүп келген.

БИШКЕК, 30-апр. — Sputnik. Баткенде кыргыз-тажик чек арасында чыккан чырдан каза болгон офицердин сөөгү Бишкекке жеткирилип, Ат-Башыга жөнөтүлдү. Бул тууралуу Sputnik Кыргызстанга маркумдун досу билдирди.

Военнослужащий Эсентур Кубанычбек уулу родом из села Ак-Муз, погибший в ходе конфликта на кыргызско-таджикской границе в Баткене
© Фото / предоставлено родственниками Эсентура Кубанычбек уулу
Анын айтымында, көз жумган аскер Эсентур Кубанычбек уулу Ат-Башынын Ак-Муз айылында туулган

Анын айтымында, көз жумган аскер Эсентур Кубанычбек уулу Ат-Башынын Ак-Муз айылында туулган.

"Ал Нарын районундагы Мамлекеттик чек ара кызматынын атайын даярдыктагы аскерлеринин жетекчисинин орун басары болчу. Эсентур Нарындан Баткен облусуна эки апта мурда кызмат өтөөгө кеткен. Каза болгонун түндө уктук", — деди ал.

Эсентур Кубанычбек уулу Россиядан чек ара кызматы боюнча жогорку аскердик окуу жайын бүтүрүп келгени маалым болду.

"Эсентур ата-энеси жок болгондуктан туугандарынын колунда өскөн. 8-класска чейин Ак-Муз айылындагы Боогачы орто мектебинде билим алып, андан кийин Дайыр Асанов атындагы аскер лицейин бүтүргөн. Кийин Россияда 5 жыл чек ара адистиги боюнча билимин жогорулаткан. Ысык-Көл жана Нарын облустарындагы Чек ара кызматынын "Бөрү" атайын аскер тобунда иштеп келген", — деди досу.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.

Биринчи вице-премьер Артем Новиков. Архив
© Пресс-служба правительства / Алишер Алиев
Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө. Бирок буга карабастан ок атуу токтой электиги айтылып келет.

Бир нече айылдын тургундары үй-жайын таштап, аймактан чыгып кетүүгө аргасыз болгон.

Бүгүн эртең менен Ички иштер министрлиги чыр чыккан аймакта абал туруктуу экенин, кырдаал көзөмөлдөнүп жатканын билдирди.

Баткендеги чек арадагы кырдаал тууралуу акыркы маалыматтарды биздин Telegram каналыбыздан окуңуздар.

Тема:
Баткендеги кыргыз-тажик жаңжалы (299)

Тема боюнча

Чек арага ыктыярчы жиберүүнүн зарылдыгы жок. Президенттик аппараттын билдирүүсү
ИИМ кыргыз-тажик чек арасында абал туруктуу экенин айтты
Белгилер:
Ат-Башы, офицер, өлүм, чек ара, Баткен

ЭҢ МААНИЛҮҮ