07:35 17 Бугу 2021
Түз эфир
  • USD84.6213
  • EUR102.6076
  • RUB1.1436
Коом
Кыскача шилтеме алуу
Бишкекте 27 жаштагы кыздын уурдалып, өлтүрүлүшү (46)
193 0 0

Плакатта "Ала качуу — салт эмес", "Ала качуу — кылмыш, зомбулук!", "Кылмышкерлер жазалансын!" деп жазылган.

БИШКЕК, 8-апр. — Sputnik. Жогорку Кеңештин депутаты Эмил Токтошев парламенттин жыйынына ала качууну жектеген плакат көтөрүп келди.

Депутат Жогорку Кенеша Эмиль Токтошев с плакатом против кражи невест на заседании
© Sputnik / Эламан Карымшаков
Жогорку Кеңештин депутаты Эмил Токтошев парламенттин жыйынына ала качууну жектеген плакат көтөрүп келди

Анда "Ала качуу — салт эмес", "Ала качуу — кылмыш, зомбулук!", "Кылмышкерлер жазалансын!" деп жазылган.

"Бул өтө өкүнүчтүү окуя. Биз, эркектер, качан оңолобуз, качан намыска келебиз. Эгер милиция ыкчам кыймылдаса, эки күн эмес, эки саатта тапса болмок. Азыркы заманда буга толук мүмкүнчүлүк бар. Прокуратура баарын кылдат талдап чыгышы керек. Ишке кайдыгер болгон ички иштер кызматкерлери толугу менен жазасын алышы керек", — деди Токтошев.

Эске салсак, 5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган.

Кыздын туугандары ошол эле күнү издеп башташкан. Биринчи май райондук милицияга саат 7:30да кабарлаган. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

Ал эми 7-апрелде изделип жаткан автоунаа Чүйдөгү Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган.

Кечинде кызды ала качууга катыштыгы бар делип бир шектүү кармалды.

Тема:
Бишкекте 27 жаштагы кыздын уурдалып, өлтүрүлүшү (46)

Тема боюнча

Уурдалып, киши колдуу болгон Айзаданын окуясы боюнча жаңы жагдайлар айтылды
Марипов ала качууга дуушар болуп көз жумган кыздын өлүмү боюнча үн катты
Белгилер:
Эмил Токтошев, депутат, кыз ала качуу, өлүм, милиция

ЭҢ МААНИЛҮҮ