08:27 26 Үчтүн айы 2021
Түз эфир
  • USD84.7911
  • EUR103.2162
  • RUB1.1327
Коом
Кыскача шилтеме алуу
361810

2021-жылдын башынан тарта жалпы билим берүүчү мекемелеринде мугалимдер тарабынан толтурулчу бир катар документтер кыскартылды. Мугалимдер мурда убактысынын көбү кагаз жазууга кетерин айтып келишкен.

БИШКЕК, 12-янв. — Sputnik. Мектеп мугалимдеринин кагаз иштери кыскартылды. Бул тууралуу Билим берүү жана илим министрлигинин маалымат кызматынан кабарлашты.

Окутуучулардын кагаз иштерине байланышкан милдеттерин жеңилдетүүчү буйрукка 2020-жылдын 28-декабрында кол коюлган.

Төмөнкү документтерди толтуруу милдеттүү эмес деп табылды:

  • көчүрүү экзамендерине байланыштуу документтер (9, 11-класстардагы мамлекеттик аттестациялоонун документтеринен башкалары);
  • мугалимдин портфолиосу;
  • өзүн-өзү өнүктүрүү папкасы;
  • аткарылган иштер боюнча фотоотчёттор;
  • микроучасток боюнча балдардын маалыматтарын топтоо;
  • аскер комиссариаты үчүн маалыматтарды, материалдарды жана бланктарды толтуруу;
  • окуу кабинетинин паспорту;
  • пландалбаган иш-чараларга, мааракелерди өткөрүүгө жана билим берүү уюмдарынын кызматкерлеринин ишмердиги менен байланышпаган иш-чараларга байланыштуу документтер.
"Педагогдордун кайрылууларынан улам документтердин санын кыскартуу зарылчылыгы пайда болду. Мугалимдер убактысынын көпчүлүгү ар түрдүү отчётторду, документтерди толтурууга кетип жатканын айтып келишкен. Мындан улам мугалимдердин жеке профессионалдык өсүүсүнө, балдар менен иштөөгө убактысы болгон эмес", — деп айтылат билдирүүдө.

Буга чейин министр Алмазбек Бейшеналиев Facebook аркылуу түз эфир учурунда колдонуучулардын суроолоруна жооп берип жатып мугалимдердин кагаз иштерин азайтуу үчүн атайын комиссия түзүлгөнүн айткан.

Тема боюнча

Мугалимдер кайрадан аттестациядан өтүп, кошумча акча ала баштайт
Белгилер:
кыскартуу, кагаз, мугалим, Кыргызстан

ЭҢ МААНИЛҮҮ