БИШКЕК, 24-сен. — Sputnik. Алдыдагы парламенттик шайлоого катышуу үчүн 3 миллион 523 миң 532 кыргызстандык катталды. Бул туурасында Борбордук шайлоо комиссиясынын төрайымы Нуржан Шайлдабекова шайлоонун даярдыктары туурасындагы маалымат жыйыны учурунда билдирди.
Анын айтымында, бул 2015-жылдагы парламенттик шайлоого салыштырмалуу 762 735 адамга көп, башкача айтканда, шайлоочулардын саны 27,6 пайызга өстү.
Ал эми 2017-жылдагы президенттик шайлоого салыштырмалуу 497 762 жаранга өстү, пайыз менен алганда 16,5ти түзөт.
Бир партия 105 млн. сом. Шайлоого аттангандар канча каражат короткону айтылды
Мыйзам боюнча, шайлоочулардын эң акыркы тизмеси шайлоого 10 күн калганда жарыяланат. Быйыл парламенттик шайлоо 4-октябрда өтөт.
