Кыргызстанда коронавирус жуктургандар кайра көбөйө баштады. Статистика

БИШКЕК, 19-сен. — Sputnik. Акыркы суткада өлкө боюнча COVID-19дан 69 адам айыгып чыкса, 91 киши жуктуруп алганы аныкталды. Бул тууралуу Республикалык штабдан кабарлашты.

Айыккандар:

• Бишкек – 8;
• Ош шаары – 3;
• Чүй облусу – 1;
• Ош облусу – 10;
• Нарын облусу – 2;
• Талас облусу – 6;
• Ысык-Көл облусу – 5;
• Жалал-Абад облусу – 18;
• Баткен облусу – 16.

Жуктургандар:

• Бишкек – 9;
• Чүй облусу – 6;
• Ош облусу – 17;
• Талас облусу – 1;
• Нарын облусу – 1;
• Ысык-Көл облусу – 15;
• Жалал-Абад облусу – 12;
• Баткен облусу – 30.

Өткөн суткада медиктердин арасынан тогузу коронавирусту илештирип алган. Алардын төртөө Баткен облусунда, төртөө Ошто, бирөө Жалал-Абадда.Ошол эле учурда 15 медик ооруну жеңип чыкканы айтылды.

Белгилей кетсек, бир сутка ичинде оорудан каза болгон учур катталган жок.

Жалпысынан алганда өлкөдө COVID-19 жуктургандардын саны 45 335ке жетсе, анын ичинен 41 484ү айыкты. Тилекке каршы, коронавирус 1 063 адамдын өмүрүн алган.

Учурда стационарларда 570 бейтап дарыланып жатат. Ошондой эле 1 771 адам амбулатордук шартта медициналык жардам алууда.