Унаадан белине чейин чыгып алып, тапанча аткан бала кармалды. Оштогу видео

Жазылуу
Окуянын видеосу кечээ социалдык тармактарга тарап кеткен. Учурда 18 жаштагы баланын кылыгына юридикалык баа берилип жатат.

БИШКЕК, 14-сен. — Sputnik. Ош шаарында автоунаанын терезесинен белине чейин чыгып, огу жок тапанчасын атып кыйкырган бала кармалды. Бул тууралуу шаардык милициянын маалымат кызматы билдирди.

Белгилей кетсек, кечээ окуянын видеосун социалдык тармактарга колдонуучу Болот Ибрагимов тараткан.

Ош ШИИБ тасма тарагандан кийин аны иликтеп, 18 жаштагы баланы кармаган. Окуя 12-сентябрь күнү жаш балдар Ноокат районуна тойго бара жатканда болгону аныкталды. Алардын кылыгы Оштогу Жапалак айылында видеотасмага түшүп калган.

Өзгөн: тойдо досун куттуктап асманга ок чыгарган видеодогу жигит кармалды

Ошондой эле тапанча пневматикалык экендиги такталып, милиция тарабынан алынган.

Учурда баланын иш-аракетине Ош ШИИБдин тергөө кызматы юридикалык баа берүү боюнча иштеп жатат.

Жаңылыктар түрмөгү
0