20:18 28 Тогуздун айы 2020
Түз эфир
  • USD81.6688
  • EUR96.0833
  • RUB1.0531
Коом
Кыскача шилтеме алуу
32701

Маек учурунда Жээнбеков аймактарда көп иштеп келгенин, ал жактагы кыйынчылыктардын баарын жакшы билерин белгилеген.

БИШКЕК, 9-авг. — Sputnik. Айылдарды өнүктүрүү үчүн мамлекетте болгон каражатты ошол жактарга буруу керек. Бул тууралуу өлкө башчы Сооронбай Жээнбеков "Биринчи радиого" (КТРК) маек берип жатып билдирген.

Жээнбеков маек учурунда аймактарда көп иштеп келгенин, ал жактагы кыйынчылыктардын баарын жакшы билерин белгилеген.

"Аймактарда ыңгайлуу жашоо үчүн шарттарды жана жумуш орундарын түзүүгө жергиликтүү бийликтин каражаты да, мүмкүнчүлүгү да жок. Ошондуктан жергиликтүү тургундар өлкөнүн чоң шаарлары менен облус борборлоруна жана чет өлкөлөргө чыгып кетип жатат", — деди Жээнбеков.

Мамлекет башчы премьер-министр болуп турганда жыйырма шаардын тегерегинде өнөр жай ишканаларын куруу боюнча өкмөт программа кабыл алганын да айтып кетти.

Жээнбеков: аймактарда ооруканалар эски, аны оңдоодо каржылоо маселеси жаралбасын

"Калкыбыздын 70 пайызы айыл жеринде жашаарын дайыма айтып келебиз. Бирок чындап келгенде, айылдардан көбү кетти. Аларды кайра кайтаруу керек. Баарын алып келе албасак дагы өсүп келе жаткан муунга, балдарыбызга ошол жерде жумуш орундарын түзүшүбүз шарт. Ал үчүн мамлекетте болгон каражатты ошол жактарга буруу керек. Бүгүнкү күндө мамлекеттеги болгон мүмкүнчүлүктөр анын ичинде бюджет, сырттан тартылган каражаттар аймактарга багытталат", — деди президент.

Мындан сырткары, мамлекет башчы таза суу темасына да токтолуп, бул маселе 2024-жылга чейин чечилип бүтүп каларын убадалады.

Тема боюнча

Жээнбеков: ооруканалардын курулушуна 100 млн доллар салчу адамдар бар
Белгилер:
өнүктүрүү, айыл, Сооронбай Жээнбеков, Кыргызстан

ЭҢ МААНИЛҮҮ