Ош шаарында жоголгон кыз 25 күндөн кийин Бишкектен табылды

© Фото / Public domainКолун кармап турган кыз. Архив
Колун кармап турган кыз. Архив - Sputnik Кыргызстан
Жазылуу
Кыз дайынын билдирбей жүргөнүнө ата-энеси менен урушуп кеткени себеп болгонун айтып берген.

БИШКЕК, 30-июл. — Sputnik. Ош шаарында дайынсыз жоголгон 21 жаштагы Айтурган Өмүрбекова бүгүн Бишкектен табылды. Бул туурасында ИИМдин Мамлекеттик адистештирилген күзөт кызматы башкы башкармалыгынын маалымат кызматы кабарлады.

Белгилей кетсек, кыз 5-июль күнү болжол менен саат 20.00дө үйүнөн чыккан бойдон кайтып келген эмес. Бүгүн Ички иштер министрлиги анын сүрөтүн ЖМКларга жарыялап издөө салган.

"Биринчи май райондук күзөт бөлүмүнүн кызматкерлери саат 19.00дөр чамасында "Ала-Тоо" аянтында жүргөн кызды көрүп документин сураган. Натыйжада ал изделип жаткан Айтурган Өмүрбекова болуп чыкты", — деп айтылат маалыматта.

Инспекторлор кыздан дайынын билдирбей жүргөнүнүн себебин сураганда, ал ата-энеси менен урушуп кетип Бишкекке келе бергенин айткан.

Жаңылыктар түрмөгү
0