COVID: өлкөдө калктын канча пайызында антитело пайда болгону изилдене баштады

© Sputnik / Табылды КадырбековСитуация в Бишкеке из-за распространения коронавируса
Ситуация в Бишкеке из-за распространения коронавируса - Sputnik Кыргызстан
Жазылуу
Акыркы маалыматтар боюнча, Кыргызстанда коронавирус жуктуруп алгандардын саны 31 247ге жетти. Бул калктын жалпы санынын 0,5 пайызы болуп эсептелет.

БИШКЕК, 24-июл. — Sputnik. Кыргызстанда Дүйнөлүк саламаттык сактоо уюму (ДССУ) менен биргеликте калктын канча пайызында COVID-19га антителолор иштелип чыкканын аныктоо үчүн анализ жүргүзүлө баштады. Бул тууралуу Коомдук саламаттык сактоо башкармалыгынын башчысы Айнура Акматова билдирди.

"Акыркы маалыматтар боюнча, Кыргызстанда коронавирус жуктуруп алгандардын саны 31 247ге жетти. Бул калк санынын 0,5 пайызы болуп эсептелет. Мунун бардыгы лабораториялык жол менен тастыкталган жана клиникалык белгилери менен аныкталгандар. Эл арасында дагы канча адам симптому жок жүргөндүгү ушул изилдөөдөн кийин так билинет", — деди Акматова.

Бирок ал изилдөө кайсы лабораторияларда жана кандай негизде жүргүзүлүп жатканын айткан жок.

Коронавирустан бир суткада 42 бейтап ажал тапты

Кыргызстанда коронавирус жуктургандардын саны 31 247ге жетти (пнавмонияны кошкондо). Алардын ичинен 18 038 бейтап сакайып, 1 211 жаран көз жумду.

Жаңылыктар түрмөгү
0