13:21 09 Бугу 2021
Түз эфир
  • USD84.7724
  • EUR102.4644
  • RUB1.1435
Коом
Кыскача шилтеме алуу
Коронавируска байланыштуу Кыргызстандагы кырдаал (2700)
165 0 0

Кычкылтек менен үзгүлтүксүз камсыз кылуу үчүн Жалал-Абад облусундагы "Майлуу-Суу лампа заводу" ишканасынын өндүрүш көлөмүн кеңейтүү мүмкүнчүлүгүн карап чыгуу тапшырылды.

БИШКЕК, 19-июл. — Sputnik. Күндүзгү жана түнкү стационарларга, ооруканаларга борборлоштурулган кычкылтек киргизүү иштерин тез арада жүзөгө ашыруу керек. Премьер-министр Кубатбек Боронов Республикалык ыкчам штабдын жыйынында тармактык мамлекеттик органдарга ушундай тапшырма бергенин өкмөттүн маалымат кызматы билдирди.

Премьердин айтымында, реанимациялык бөлүмдөргө басым жасоо керек

"Архитектура, курулуш жана турак жай-коммуналдык чарба мамлекеттик агенттиги борборлоштурулган кычкылтек киргизүү үчүн өлкө аймагындагы ооруканаларга ревизия жасап, схемасын түзүшү керек. Ушундай эле иштерди Бишкек мэриясы да жүргүзүүсү зарыл. Өзгөчө реанимациялык бөлүм ачылган медициналык мекемелерге тез арада кычкылтек киргизүү зарыл", — деди өкмөт башчы.

Өкмөт: жакында Кыргызстанга Россиядан гуманитардык жүк келет

Муну менен катар оруканалард жана стационарларды кычкылтек менен үзгүлтүксүз камсыз кылуу үчүн Жалал-Абад облусундагы "Майлуу-Суу лампа заводу" ишканасынын өндүрүш көлөмүн кеңейтүү мүмкүнчүлүгүн карап чыгуу тапшырылды.

"Заводдон өндүрүлгөн кычкылтекти ташууда коопсуздук маселесине өзгөчө көңүл бурулсун. Аймактарга жеткирүү шарттары комплекстүү түрдө каралууга тийиш", — деп кошумчалады Боронов.

Жыйындын жүрүшүндө ооруканалардын реанимациялык блокторунда электр энергиясынын альтернативдүү булагын түзүү — генераторлорду орнотуу ишин күчөтүү тапшырмасы берилди.

Коронавирустан кийин ден соолукту калыбына келтирүү. Пульмонологдун кеңеши

Ошондой эле Саламаттык сактоо министрлигине медицина кызматкерлерин сапаттуу коргонуучу каражаттар менен камсыз кылууну катуу көзөмөлгө алуу милдеттендирилди.

Тармактык мамлекеттик органдарга медициналык каражаттар менен үзгүлтүксүз камсыздоо жана алардын запасын түзүү боюнча иштерди күчөтүү тапшырмасы берилди.

Тема:
Коронавируска байланыштуу Кыргызстандагы кырдаал (2700)

Тема боюнча

Москвадан келген 15 медикти Ош шаары салтанаттуу тосуп алды. Сүрөт
Коронавирустан кийин ден соолукту калыбына келтирүү. Пульмонологдун кеңеши
Белгилер:
борборлоштурулган кычкылтек, пневмония, коронавирус, Кубатбек Боронов

ЭҢ МААНИЛҮҮ