"Ганси" базасында реанимациялык блок ачылды

© Фото / Пресс-служба Министерства Здравоохранения КРМеста для больных пневмонией на авиабазе "Ганси"
Места для больных пневмонией на авиабазе Ганси - Sputnik Кыргызстан
Жазылуу
Буга чейин орто абалдагылар дарыланчу. Бирок алардын абалы дароо оорлошуп, ал тургай курчуп кеткендер да көп болууда.

БИШКЕК, 6-июл. — Sputnik. "Ганси" базасында реанимациялык блок ачылды. Бул тууралуу саламаттык сактоо министринин орун басары Мадамин Каратаев брифинг учурунда маалымдады.

Анын айтымында, "Ганси" базасында буга чейин орто абалдагылар дарыланчу.

"Пневмониядан дарыланып жаткан орто абалдагы бейтаптардын саламаттыгы дароо оорлошуп кетип жатат. Абалы курчуп кеткендер да көп. Мындан улам министрликтин буйругу менен "Гансиге" реанимациялык блок ачылды. Ага Улуттук онкология жана гематология, Улуттук хирургия, Травматология жана ортопедия илим-изилдөө борбору жана Чүй облустук ооруканаларынын реаниматологдору жөнөтүлдү. Мындан сырткары, 112 кычкылтек концентратору орнотулду", — деди Каратаев.

Кыргызстанда бир суткада пневмониядан 18 киши ажал тапты

Ал Бишкекте пневмонияны дарылоого 2 062 керебет даярдалганын кошумчалады.

Жаңылыктар түрмөгү
0