Алардын баары мурда кабыл алынган тартипке ылайык, тийиштүү медициналык процедуралардан өтүү үчүн обсервацияга жайгаштырылды. 01.07.2020, Sputnik Кыргызстан
Алардын баары мурда кабыл алынган тартипке ылайык, тийиштүү медициналык процедуралардан өтүү үчүн обсервацияга жайгаштырылды.
БИШКЕК, 1-июл. — Sputnik. Бүгүн, 1-июлда, өлкөнүн Тышкы иштер министрлигинин жардамы менен Сауд Аравиясынан 121 кыргызстандык мекенине алып келинди. Алар "Даммам — Бишкек" маршруту боюнча Flynas авиакомпаниясынын чартердик каттамы менен келгенин Тышкы иштер министрлиги билдирет.
Бул каттам менен, мындан сырткары, Сауд Аравиясынан Казакстандын 39 жараны да алып келинип, "Манас" аэропортунан атайын транспорт менен Казакстанга сапар алышты.
Чет өлкөлөрдө калган Кыргызстандын жарандарын жана мекенине келүүнү каалагандарды алып келүү иштери улантылып жатат.
