БИШКЕК, 1-июл. — Sputnik. Кыргызстанда соңку бир сутка ичинде COVID-19 жуктурган беш адам айыга албай каза болду. Бул туурасында саламаттык сактоо министринин орун басары Мадамин Каратаев брифинг учурунда билдирди.
Бейтаптар төмөнкү ооруканаларда үзүлгөн:
- Республикалык клиникалык ооруканада 57 жана 67 жаштагы эки эркек киши;
- Нарын облустук бириккен ооруканасында 60 жаштагы эркек киши;
- Москва аймактык ооруканасында 70 жаштагы эркек киши;
- Кыргыз-түрк “Достук” ооруканасында 72 жаштагы аял.
Көз жумгандардын баарынын өнөкөт оорусу болгон.
Соңку учурларды кошкондо Кыргызстанда өпкөнү сезгенткен вирустан 62 адам ажал тапты. Кечээ, 30-июнда, жети адамдын каза болгону кабарланган эле.
Ошто 71 жаштагы дарыгер Жамал Тазабекова коронавирустан каза болду
