БИШКЕК, 28-июн. — Sputnik. Өткөн суткада Кыргызстанда коронавирус жуктурган 30 бейтап айыгып, ооруканадан чыгарылды. Бул туурасында Республикалык штабдан кабарлашты.
Ооруну жеңип чыккандар өлкөнүн алты аймагынан катталды.
- Бишкек шаары — 15;
- Чүй облусу — 2;
- Ош шаары — 1;
- Ош облусу — 3;
- Нарын облусу — 3;
- Жалал-Абад облусу — 6.
Ушуну менен Республика боюнча 2242 бейтап айыгып, ооруканадан чыгарылды. Ал эми коронавирус жуктургандардын жалпы саны 4748ге жетти. Илдеттин кесепетинен 47 адам каза тапты.
