Ак чөп башта! Абылгазиевди узатууда өкмөттөгүлөрдүн түшкөн сүрөтүнө түшүндүрмө

© Фото / Пресс-служба правительства/ Алишер АлиевКубатбек Боронов жана Мухаммедкалый Абылгазиев. Архив
Кубатбек Боронов жана Мухаммедкалый Абылгазиев. Архив - Sputnik Кыргызстан
Жазылуу
Өкмөттүн маалымат катчысы сүрөткө түшүүнү мурда эч ким пландабаганын, ал кыска убакытка созулганын да баса белгилеп кеткен.

БИШКЕК, 18-июн. — Sputnik. Өкмөттүн маалымат катчысы Чыңгыз Эсенгул уулу мурдагы премьер-министр Мухаммедкалый Абылгазиевди узатып жатып, өкмөт үйүнүн алдынан түшкөн жалпы сүрөт боюнча Facebook баракчасына жазды.

Эске салсак, кечээ, 17-июнда, Абылгазиев кызматын өткөрүп берди. Аны чогуу иштешкен кесиптештери узатып, соңунда өкмөт үйүнүн алдына жалпы сүрөткө түшүшкөн. Сүрөткө болжол менен 100дөн ашык киши, эч кандай бет кабы жок эле тартылган. Ал соцтармакта кайчы пикир, нааразычылыктарды жараткан.

"Эстелик үчүн түшкөн сүрөттү көрүп каап дегени да, бетим дегени да бар, урушуп тилдеп жатканы да бар. Окуп, көрүп жатабыз. Ак чөп башта, аз айыбыбызды кечириңиздер! Кечээ эле эмес, сыноо келген март айынан тарта бел чечпей, бет кабын жүзүнөн түшүрбөй иштеп жаткан команданын ишин бир сүрөт менен жокко чыгарып койбосоңуздар... Адамгерчилик менен кабыл алып, ачуу сөздөн алыс болсок дейм. Кошумчалай кетчү бир жагдай, аппараттын ар бир кызматкери күн сайын эртең менен ишке келгенде дене табы текшерилгенден кийин гана имаратка киргизилет. Ошол эле учурда сөзсүз бет кап тагынабыз. Өкмөт үйүнүн ичинде санитайзерлер орнотулган", — деген Эсенгул уулу.

Өкмөттүн маалымат катчысы сүрөткө түшүүнү мурда эч ким пландабаганын, ал кыска убакытка созулганын да баса белгилеп кеткен.

Церемония передачи полномочий Главы Правительства - Sputnik Кыргызстан
Боронов кызматка отурду, Абылгазиевди өкмөт аппараты кол чаап узатты. Видео
"Мурдагы өкмөт башчыны узатуу учурунда кызматкерлердин эстеликке сүрөткө түшүү өтүнүчүн Мухаммедкалый Дүйшекеевич менен Кубатбек Айылчыевич аткарбай коё алышкан жок. Муну эч ким мурдатан пландап, даярдаган эмес, күтүүсүз эле сунушту жалпы колдоп кеттик. Кызматкерлердин өз демилгеси менен бет кабы жок сүрөткө түшүүсү ачык жерде, кыска убакыттын ичинде эле болгон. Ооба, иш бар жерде кемчилик да болбой койбойт экен, аны мойнубузга алабыз. Ошентсе да ушул команда мамлекетибиздин өнүгүшү, элибиздин жакшы турмушу үчүн иштөөгө бел байлагандар", — деп жазган ал.

Эсенгул уулу бул сүрөт коронавирус жок же бет кап тагынбай койсо болорун түшүндүрбөй турганын айтып, вирустан сак болууга чакырып кеткен.

Жаңылыктар түрмөгү
0