ИИМ: өзгөчө абалда иштеген милиционерлерге кошумча акы жакында төлөнөт

© AFP / VYACHESLAV OSELEDKOМилиция кызматкерлери. Архив
Милиция кызматкерлери. Архив - Sputnik Кыргызстан
Жазылуу
Кечээ жергиликтүү ЖМКлар "Бишкек шаардык милициясы калаадагы төрт райондун аймактык кызматкерлери өзгөчө абал учурунда иштегендиги үчүн кошумча акы албай калгандыктан иш таштаганы жатат" деген маалымат тараткан.

БИШКЕК, 15-июн. — Sputnik. Өзгөчө абал учурунда иштеген милиция кызматкерлерине жакынкы күндөрү кошумча акы төлөнөт. Учурда документтер тиешелүү органдар менен макулдашылып жатканын ИИМден билдиришти.

Өкмөттүн 2000-жылдын 26-октябрында кабыл алынган "Өзгөчө абал учурунда же куралдуу каршылык конфликттер учурунда иштеген аскер кызматкерлерине компенсация жана кошумча кепилдиктер" токтомуна ылайык, ээлеген кызматына жана аскердик наамына ылайык үч эселенген акы коюлат.

"Өзгөчө абал учурунда милиция кызматкерлери күчөтүлгөн тартипте иштеген. Ал учурда түзүлгөн табелде бардык маалыматтар бар. Кошумча акы катары берилчү каражат республикалык бюджеттен бөлүнөт. Учурда тиешелүү документтер Финансы министрлигине жөнөтүлдү", — деп айтылат билдирүүдө.

Милиция кызматкерлери. Архив - Sputnik Кыргызстан
Министрлик: COVID-19 жуктурган тартип коргоо кызматкерлери Бишкекте көп катталды
Эске салсак, кечээ, 14-июнь күнү, жергиликтүү ЖМКлар "Бишкек шаардык милиция калаадагы төрт райондун аймактык кызматкерлери өзгөчө абал учурунда иштегендиги үчүн кошумча акы албай калгандыктан иш таштаганы жатат" деген маалымат тараткан. Көп өтпөй Бишкек ШИИБ аны төгүндөп, тартип сакчылары штаттык режимде иштеп жатканын билдирген.

Жаңылыктар түрмөгү
0