21:16 02 Кулжа 2020
Түз эфир
  • USD73.5222
  • EUR82.1316
  • RUB1.0658
Коом
Кыскача шилтеме алуу
36201

Депутат Тазабек Икрамов көзөмөл органынын кызматкерлери ушунча аз айлыкка кантип жашап жатканына кызыгып, бул нерсе аларды коррупциялык иштерге түртпөйбү деп суроо салды.

БИШКЕК, 21-май — Sputnik. Прокуратура органдарына жумушка жаңы кирген кызматкер 12 миң сом айлык алат. Техникалык кызматкерлер арасында 10 миң сомдон алгандары дагы бар. Бул тууралуу башкы прокурор Өткүрбек Жамшитов парламентте сүйлөп жатып билдирди.

Эске салсак, ушул тапта парламент Башкы прокуратуранын 2019-жылкы иши боюнча отчетун угуп жатат.

Депутат Тазабек Икрамов көзөмөл органынын кызматкерлери ушунча аз айлыкка кантип жашап жатканына кызыгып, бул нерсе аларды коррупциялык иштерге түртпөйбү деп суроо салды.

"Айрым кызматкерлерибизге ушул убакка чейин ата-энеси жардам берет. Учурунда кээ бир кесиптештерим 200-300 сом айлык алып иштешкен", — деди Жамшитов.

Мындан тышкары, ал кызматкерлердин көбүнүн өз турак жайы жок болгондуктан, кызматтык үй көйгөйү толугу менен чечүү маселеси курч турганын белгиледи.

Мындан улам бир катар депутаттар прокуратура органдарынын кызматкерлеринин айлыгын жогорулатуу боюнча маселени кароо керек деген пикирлерин айтышты.

Тема боюнча

Былтыр прокуратуранын 37 кызматкери жоопко тартылган
Белгилер:
айлык-акы, кызматкер, Башкы прокуратура, Өткүрбек Жамшитов

ЭҢ МААНИЛҮҮ