Оренбургдан мигранттар учак жана автобус менен алып келинет

© Sputnik / Максим Богодвид / Медиабанкка өтүүПрибытие рейса из Анталии в Казань
Прибытие рейса из Анталии в Казань - Sputnik Кыргызстан
Жазылуу
ТИМ Россияда жүргөн кыргызстандыктарга кайрылып, тартип бузуп, жашап жаткан ошол өлкөнү өзгөчө чара көрүүгө аргасыз кылбоого чакырды.

БИШКЕК, 20-май — Sputnik. Өкмөт учурда Оренбург облусунун Бузулук районунан балдар, аялдар, кош бойлуулар, улгайган кыргызстандыктарды алып келүү үчүн Оренбург — Бишкек чартердик каттамын уюштурду. Бул тууралуу Тышкы иштер министрлиги билдирди.

Маалыматта каттам Кыргызстан менен Россиянын тышкы саясий мекемелеринин макулдашуусунун негизинде ишке ашырылып жатканы айтылды.

Аталган чартердик каттамдын артынан эле жарандарыбызды мекенине кайтаруу үчүн автобустардан колонна дагы уюштурулат.

"Оренбург облусундагы кыргызстандыктарды чыгарып кетүү үчүн Казакстан аймагынан транзиттик коридор уюштуруу маселеси иштелип чыкты", — деп айтылган маалыматта.

Алар Бишкекке келгенден кийин бекитилген тартипте обсервацияга жайгаштырылмакчы.

ТИМ Россиядагы кыргызстандыктарды сабырдуулукка, бири-бирин урматтоого, тартипке, кырдаалды туура түшүнүүгө жана жүргөн өлкөсүнүн эрежелерин так сактоого чакырды.

"Чек ара расмий ачылмайынча Россия — Казакстан чек арасын көздөй барбоону суранабыз, өзүӊүздүн, жакындарыӊыздын өмүрүн жана саламаттыгын коркунучка салбагыла. Сиздер жүргөн өлкөнүн бийлигин өзгөчө чара көрүүгө аргасыз кылбай, эмоцияга алдырбай, шашылыш иш-аракеттерге барбастан, авиа жана жүргүнчү ташыган билдирүүлөр кайра иштей баштаганга чейин коопсуз жайларда күтө туруӊуздар", — деп айтылган мигранттарга жасалган кайрылууда.

Буга чейин ТИМ чет жактан бир топ мигранттарды, окуп жүргөн кыргызстандыктарды алып келген.

Мекенге келгенден кийин ал жарандар "Семетей" обсервациясында медицина жана ИИМ кызматкерлерине бир топ ыңгайсыз кырдаалдарды жараткан учурлар болгон

Коронавирус кесепети

Россиядагы мигранттар. Архив - Sputnik Кыргызстан
Элчилик: Соль-Илецкидеги кыргызстандыктар лагерге барбагандыктан чатыр тигип бердик
Кыргызстанда коронавирус жуктуруп алгандардын саны 1270 болуп, анын 910у айыкты. Тилекке каршы, 14 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0