22:18 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
Кыргыздын көркөм өнөрү, белгилүү инсандары жөнүндө фактылар (353)
1479 0 0

Бүгүн белгилүү төкмө акын, КРдин эмгек сиңирген артисти Жеңишбек Жумакадырдын туулган күнү. Алдына эч кимди салдырбаган ак таңдай акын, көптөгөн кыргыз-казак маданий иш-чараларынын көркүн ачкан инсан 43 жашка толду.

Sputnik Кыргызстан маалымат агенттиги акынды туулган күнү менен куттуктап, ал жөнүндө кызыктуу фактыларды сунуштайт.

Атадан эрте ажыраган. Жеңишбек Жумакадыр 1977-жылы 9-майда Нарын районундагы Эмгекчил айылында жарык дүйнөгө келген. Жети жашында атасынан ажырап, устачылык менен алектенген чоң атасынын колунда тарбияланган. Ал мектепте окуп жүргөн кезинде эле ыр жазып, ийримдерге катышып чыгармачылыкка жакын өскөн. 9-классты аяктагандан кийин үйүндөгүлөр Нарын шаарындагы кесиптик-техникалык училищеге алып келип тапшырткан. 

Акын Женишбек Жумакадыр со своей матерью
© Фото / из семейного архива Женишбека Жумакадыра
Айтылуу төкмө Майра Керим кызы жана жаш акын Жеңишбек Жумакадыр

15 жашында эле театрда иштеп. Жаш студент Нарындагы театрда иштеген Табылды Актанов, Күмөндөр Абылов, Керезбек Тургуналиевге суктанып жүрүп аталган жайга барган. Аларга ырдап берип, актёрдук өнөрүн көргөзүп театрга жумушка алынган. Ошентип 15 башында СССРдин эл артисти Капар Медетбеков, КРдин эр артисттери Сейитказы Андабеков, Бакирдин Алиев өңдүү залкарлардан таалим алып, аймактарга гастролго чыга баштайт. 

Акын Женишбек Жумакадыр с учителем
© Фото / из семейного архива Женишбека Жумакадыра
Ак таңдай акын устаты Ашыраалы Айталиев менен

Залкарлардын шакирти. Болочоктогу атактуу ак таңдай акындын төкмөлүк өнөрүн алгач сахналаштары сынакта байкап калып, аны уккан театр жетекчилиги бир айдан соң Жеңишбекти борбор калаага айтышка жөнөтөт. Анда жаш талант тушоосу кесилген жарышта эле баш байгеге ээ болот. Кийинки сынактарда да байгелүү орундарга татып, төкмөлөрдүн арасында комузу жок ырдаган жөө акын катары бат эле таанылган. Чыгармачылыгында Ашыралы Айталиев, Эстебес Турсуналиев, Тууганбай Абдиев, Замирбек Үсөнбаевден сабак алып, устат тутуп, кийинчерээк эл алдына комуз менен чыга баштаган. 

Акын Женишбек Жумакадыр во время фотосессии
© Фото / предоставлено Женишбеком Жумакадыром
Жеңишбек Жумакадыр эмгек жолунда Аалы Туткучев, Азамат Болгонбаев, Идирис Айтибаев сыяктуу бир топ акынга устат болду

"Автомат" акын. Бир топ кыргыз-казак айтыштарынын жеңүүчүсү азыркы акындардын көбүн алдына чыгарбайт. Тубаса талант ээси 27 жылдан бери сахнада курч сөзү, сатиралуу тамашасы жана кеменгерлиги менен калайык калктын купулуна толуп, "автомат" ылакап атка конгон. Анан Аалы Туткучев, Азамат Болгонбаев, Идирис Айтибаев сыяктуу бир топ акынды таптаган. КРдин эмгек сиңирген артисти Москвадагы Щепкин атындагы театралдык жогорку окуу жайын 2001-жылы ийгиликтүү бүтүргөн. Андыктан актёрлук өнөрү да күч. 

Известный акын импровизатор Женишбек Жумакадыр. Архивное фото
© Фото / Суйун Откеев
Төкмө акын 15 жашынан баштап театрда иштеп, 17 жашында үй-бүлө курган

30га жакын өкүл баласы бар. Жеңишбек Жумакадыр 17 жашында үй-бүлө куруп, болочоктогу келинчеги менен үч күндөй эле сүйлөшүп баш кошкон. Жубайлар үч кыз, эки уулду тарбиялап өстүргөн. Улуу кызы Таласка турмушка чыккан. Мындан сырткары 30га жакын жаш түгөйдүн өкүл атасы. 

Акын Женишбек Жумакадыр со своими сыновьями
© Фото / из семейного архива Женишбека Жумакадыра
КРдин эмгек сиңирген артисти жубайы менен үч кыз, эки уулду тарбиялап келет

Сергек жашоо мүнөзүн... Төкмө акын жаштайынан спортко жакын өскөн. Мектепте, жогорку окуу жайда билим алган кезинде көп мушташка жакын болгондугун жашырбайт. Москвада окуп жүргөндө таэквондо менен машыгып калса, азыр өз алдынча машыгуу менен гана алектенет. Эң кызыгы, акын өмүрүндө бир да алма жеп көргөн эмес, жей албайт дагы экен.

Тема:
Кыргыздын көркөм өнөрү, белгилүү инсандары жөнүндө фактылар (353)

Тема боюнча

Акаевге кеңешчи, Өзбекстанга элчи болгон. Салижан Жигитов тууралуу 9 факты
13 жашында намыска жараган волейболчу. Окумуштуу Кайып Оторбаев жөнүндө 7 факты
Жаштыгымды карызга бербейт экен! Жеңишбек Жумакадырдын кеп казынасы
Белгилер:
төкмө акын, Жеңишбек Жумакадыр, Кыргызстан

ЭҢ МААНИЛҮҮ