Дезинфекциялоо бригаданын кызматкери жумуш учурунда. Архив - Sputnik Кыргызстан

Коронавирус жуктургандар 871ге жетти. Өлкөдөгү абал боюнча тексттик баяндама

Жазылуу
Бишкек, Ош, Жалал-Абад шаарлары менен Нарындын Ат-Башы районуна 10-майга чейин өзгөчө абал режими жарыяланган.

Ушу тапта Кыргызстанда коронавирустан айыккандардын катары калыңдап барат. Ошентсе да күн сайын жаңы учурлар аныкталууда.

Sputnik агенттиги өлкөдөгү абал боюнча тексттик баяндамасын сунуштайт.

Алгач жаңыларыАлгач эскилери
15:31 06.05.2020

"Азыркы учурда, Нарын облусунда COVID-19 вирусу менен 103 учур катталган. Алардын 5 жаранда гана оорунун клиникалык белгилери билинген, калган жарандарда илдет симптому жок өтүп жатат. Бардык ооруканалар жана бейтаптар тийиштүү дары-дармектер, керектүү каражаттар менен камсыздалган", - деди Саламаттык сактоо министрлигинин Нарын облусундагы координатору Мурат Алияскаров.

15:30 06.05.2020

Быйыл Бишкектин "Ак-Өргө" конушундагы фельдшердик-акушердик пунктун пайдаланууга берүү пландалууда. Бул тууралуу вице-мэр Уланбек Азыгалиев маалымат жыйын учурунда билдирди.

Анын айтымында, бул медициналык пункт мэрия менен Катар кайрымдуулук уюмунун Кыргызстандагы филиалынын кызматташуусунун алкагында курулуп жатат.

Мындан сырткары ал "Көк-Жар" жаңы конушунда дагы эки кабаттуу үй-бүлөлүк медициналык борбор салынып жатканын кошумчалады.

11:37 06.05.2020

Жалал-Абад коменданты: милиция, дарыгерлерге абалды эртерээк жөнгө салууга жардам бериңиздер! "Сабырдын түбү сары алтын" дегендей сабырдуулук менен гана баарын жеңебиз. Андан кийин биздин көчөдө да той болот.

11:27 06.05.2020

Жалал-Абадда такси кызматын иштеткен беш компания иштеп жатат. Аларга экиден ашык кишини салбай, бааны көтөрбөй иштөө тапшырмасы берилди.

11:06 06.05.2020

Кыргызстанда коронавирус жуктуруп алгандардын көбү Бишкек шаарында. Өлкөдө 6-майга карата коронавирус аныкталган жалпы 871 учур катталды.

  • Жалал-Абад облусу — 129;
  • Ош облусу — 169;
  • Ош шаары — 113;
  • Чүй облусу — 74;
  • Бишкек шаары — 255;
  • Баткен облусу — 18;
  • Нарын облусу — 103,
  • Ысык-Көл облусу —10 учур.

"Ысык-Көл облусундагы акыркы бейтап айыгып үйүнө чыгарылды. Аталган облуста коронавирус жуктуруп алган 10 адамдын баарын тең сакайды", — деди саламаттык сактоо министринин орун басары Нурболот Үсөнбаев.

10:53 06.05.2020

"Эгер шаардыктар эржелерди сактабаса бир-эки жуманын ичинде вирустун экинчи толкунуна кабылышыбыз мүмкүн. Анда кайрадан кыймылды чектөөгө туура келет. Мен дагы бир ирет баарыңарды коопсуздук эржелерин, обочолонуу принциптерин, аралыкты сактоого чакырам”, — деди Үсөнбаев.

10:31 06.05.2020

COVID-19 лабораториялык тастыкталган оорулуулар менен байланышта болгон жактардын саны – 3 855 (байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал).
Кыргызстан боюнча обсервацияда 675 адам жатат.

10:28 06.05.2020

Үсөнбаев: Жаңы аныкталган 28 учурдун бешөө сырттан келгендер. Анын бири Дубайдан кайткан киши. Үчөө Тажикстандын Ходжентинен Лейлекке келген студенттер. Ал эми бирөө Душанбе шаарынан келген бейтап. Булардын бардыгынан коронавирус обсервациядагы текшерүү учурунда табылды.

10:24 06.05.2020

Бүгүн өлкө аймагында коронавирус жуктуруп алган 28 киши аныкталды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

"Анын ичинде Бишкекте 16 киши, Чүйдө экөө, Жалал-Абад облусунда алтоо, Баткен облусунда төртөөнөн чыкты. Булардын арасында төрт медицина кызматкери бар", — деди Үсөнбаев.

Кыргызстанда коронавирус аныкталган 871 учур болду. Анын 614ү айыкса, 12 киши көз жумду.

Жаңылыктар түрмөгү
0