22:51 01 Кулжа 2020
Түз эфир
  • USD73.4927
  • EUR81.8635
  • RUB1.0542
Коом
Кыскача шилтеме алуу
Коронавируска байланыштуу Кыргызстандагы кырдаал (1471)
316 0 0

Жалпысынан Жалал-Абадда 83 кишиден коронавирус чыгып, анын 72си сакайган. Калган бейтаптар өзүн жакшы сезип жатканы маалымдалды.

БИШКЕК, 2-май — Sputnik. Коронавирус биринчи жолу катталган Сузак районундагы бейтаптардын 95 пайызы айыгып, ооруканадан чыгарылды. Бул тууралуу Сузак районунун акими Эрмекбай Омошев брифинг учурунда билдирди.

Анын айтымында, облустук оорукананын инфекциялык бөлүмүндө сузактык беш киши гана дарыланып жатат.

"Коронавирус алгач Сузакта катталган. Кудайга шүгүр, бир топ иш-чаралардын негизинде өзгөчө абал режими алынды. Бизде коронавирус жугузгандардын 95 пайызы ооруканадан чыкты. Сузак райондук ооруканасында дарыланып жаткандар жок. Ал эми Жалал-Абад облустук ооруканасынын инфекциялык бөлүмүндө сузактык беш киши жатат. Алардын абалы жакшы, жакынкы күндөрү чыгышат. Өзүбүз уюштурган обсервацияларда бир гана жаран калды. Карантиндик жайлардын бардыгы дезинфекцияланып жатат", — деди Омошев.

Ал райондо абал тынч экендигин айтып, элге ыраазычылык билдире кетти.

Жалал-Абад облустук клиникалык ооруканасынын башкы дарыгери Кумар Ботокараев кошумчалагандай, учурда инфекциялык бөлүмдө 11 бейтап жатат. Алардын абалы жакшы экени белгиленди.

Жалпысынан Жалал-Абадда 83 кишиден коронавирус чыгып, анын 72си сакайып чыккан.

Эске салсак, Кыргызстанда коронавирус алгачкы жолу 18-мартта кичи ажылыктан келген Сузак районунун үч тургунан чыккан.

Тема:
Коронавируска байланыштуу Кыргызстандагы кырдаал (1471)

Тема боюнча

Бир жарым айлык мээнет текке кетпесин! Жалал-Абаддын мэри элге кайрылды
Жакшы кабар! Коронавирус жуктурган 200 медиктин 122си айыкты
Белгилер:
оорукана, бейтап, коронавирус, Сузак району, Жалал-Абад

ЭҢ МААНИЛҮҮ