04:42 28 Бугу 2020
Түз эфир
  • USD73.4900
  • EUR80.5230
  • RUB1.0341
Коом
Кыскача шилтеме алуу
Коронавируска байланыштуу Кыргызстандагы кырдаал (1429)
105 0 0

Кыргызстанда саналуу гана зоопарк бар. Алар көбүнчө кардарлардын эсебинен жан баккандыктан, учурда түзүлгөн кырдаалдан улам кыйынчылыкка кептелүүдө.

БИШКЕК, 7-апр. — Sputnik. Коронавирус пандемиясы жана айрым аймактарга өзгөчө абал режиминин киргизилиши зоопарктардын дагы ишин кыйындатып, жаныбарлар жардамга муктаж болуп турат. Бул тууралуу Sputnik  Кыргызстан агенттигинин кабарчысына Бишкектеги Zoobishkek реабилитациялык зоопаркынын кызматкери Мария Зозуля билдирди.

Анын айтымында, кардарлардын эсебинен зоопарк муктаждыгынын 30 пайызын жапчу. Учурда эл барбай калгандыктан, ээлеринин өз каражаттары  жетпей бара жатат.

"30 жаныбардын тамак-ашына айына 80 миң сом кетет. Булардан тышкары, кызматкерлерге айлык жана коммуналдык кызмат акыларын төлөшүбүз керек. Муктаж болуп жатканыбызды укканда айрымдар жардам берип, азыр 48 миң сом чогулду. Муну менен апрель айынын аягына жетебиз. Бирок абал ушул бойдон тура берсе андан ары кандай болот айтуу кыйын", — деди Зозуля.

Мындан дагы оорураак абал Каракол шаарындагы зоопаркта түзүлүүдө. Анда кызматкерлердин маянасына эле ай сайын 120-130 миң сом кетет. "Бугу-Эне" фондунун директору Салтанат Сеитованын айтымында, зоопарктагы 150 жаныбарга айына 800 миң сомго тоют алуу зарыл.

"Бул сумманы биз баалар көтөрүлө элек кезде эң зарыл гана нерселерге эсептегенбиз. Анын үстүнө электр жарыгы үчүн карыз болуп калдык. Бирок жамаат маанайын түшүрбөй, көп маселени өз күчү менен чечип келе жатат", — деди Сеитова.

Бишкектеги "Зоосмешарики" зоопаркынын жетекчиси Сабитжан Газизов 21 кызматкерин эмгек өргүүгө чыгарууга мажбур болуп, азыр жаныбарларды өзү багып жатат.

"Живая экзотика" зоопаркынын дагы абалы анча жакшы эмес. Администратору Татьяна Манагарованын айтымында, азыр алар көк-сак сатып алууга алы жетпей, кызматкерлер жаныбарларга чөп жана какым терип берүүгө айласыз болууда.

Тема:
Коронавируска байланыштуу Кыргызстандагы кырдаал (1429)

Тема боюнча

Акактаган, таңыркаган илбирстер. Ала-Тоону байырлаган жаныбардын сейрек сүрөттөрү
Пекинде Улуу Кытай сепилинин бир бөлүгү ачылып, шаардык зоопарк иштей баштады
Белгилер:
карантин, жаныбарлар, зоопарк, Кыргызстан

ЭҢ МААНИЛҮҮ