Эки күндө COVID-19 аныкталган 23 киши вирусту кайдан жуктурганы айтылды

© Sputnik / Табылды КадырбековАйдоочунун температурасын текшерип жаткан медицина кызматкери
Айдоочунун температурасын текшерип жаткан медицина кызматкери - Sputnik Кыргызстан
Жазылуу
Саламаттык сактоо министрлигинин штаб жетекчисинин орун басары өлкө ичинде бири-бирине жуктургандар көп каттала баштаганын эскертти.

БИШКЕК, 31-мар. — Sputnik. Кыргызстанда соңку эки күндө коронавирус жуктурганы аныкталган 23 адамдын төртөө гана чет өлкөдөн келген. Бул туурасында Саламаттык сактоо министрлигинин штаб жетекчисинин орун басары Касымбек Мамбетов маалымат жыйын учурунда билдирди.

Белгилей кетсек, өлкөдө кечээ - 10, бүгүн 13 адам COVID-19 инфекциясына кабылганы маалымдалган.

“Жаңы аныкталган 23 кишинин төртөө гана сырттан келген. Калган 19у өз ара байланыштар аркылуу жуккан. Биздин медицина кызматкерлери ушундай кыйынчылыкка карабастан күнү-түнү иштеп жатышат. Кечээ үч кишини айыктырып ооруканадан чыгарышты. Эки сутканын ичинде беш үй-бүлөдөн 15 адамга коронавирус жукканы аныкталып жатат. Алар карантиндин эрежесин сактабаганы үчүн баарына кыйынчылык жаралууда”, — деди Мамбетов.

Ошондой эле ал учурда өлкө боюнча 257 мобилдик бригада иштеп жатканын айтты. Эгер жарандар обочолонуу режимин так аткарса, аларга чоң жардам болорун эскертти адис.

Кыргызстандагы коронавирус

Тез жардамдын унаасы иш учурунда  - Sputnik Кыргызстан
Коронавирус жуктургандардын үчөө реанимацияда, бирөөнүн абалы өтө оор
Кыргызстанда коронавируска кабылгандардын саны 107ге жетти. Алардын 49у эркек, 58и аял киши. Ал эми кечээ Сузактын үч тургуну айыгып чыкканы кабарланган.

Бишкек, Ош, Жалал-Абад шаарларында жана Сузак, Ноокат, Кара-Суу райондорунда өзгөчө абал жарыяланган. Кечки саат 20.00дөн таңкы 7.00гө чейин коменданттык саат киргизилди. Мындай режим 15-апрелге чейин созулат.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Жаңылыктар түрмөгү
0