23:53 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
68310

Укук коргоо органдары ушак тараткан адамдарды аныктоо боюнча иш алып барууда. Мыйзам бузгандар кылмыш жоопкерчилигине тартылат.

БИШКЕК, 27-мар. – Sputnik. Кантта жерде жаткан аял ичимдикке ууланып калган. Бул тууралуу Чүй облустук милициясынан кабарлашты.

Буга чейин социалдык тармактарда жолдо жаткан аялдын видеосу тараган. Аны тасмага тартып жаткан киши аялга эч ким жардам бербегенин, керек болсо милиция көңүл бурбаганын билдирген.

Чүй ОИИББден кабарлашкандай, Тез жардам кызматына эс учун жоготкон аял көчөдө жатканы боюнча маалымат түшкөн.

"Дарыгерлер аял ичимдикке ууланып калганын билдиришти. Кант шаарынын 34 жаштагы тургунуна жардам көрсөтүлгөндөн кийин үйүнө жиберилген. Бирок милицияга бул тууралуу эч кимден маалымат түшкөн эмес", - деп айтылат маалыматта.

Учурда милиция коомчулукту дүрбөлөңгө салып, видеону тараткан кишини издеп жатат.

"Акыркы күндөрү кээ бир адамдар өлкөдөгү оор абалга карабастан такталбаган маалыматтарды жарыялап, провокация кылып жатышат. Мындан улам Чүй ОИИББ жарандарды жалган маалымат таратпоого чакырат жана эреже бузууларга күбө болгондорду 102 номерине чалууну өтүнөт", - дешти милициядан.

Эске салсак, укук коргоо органдары ушак тараткан адамдарды аныктоо боюнча иш алып барууда. Мыйзам бузгандар кылмыш жоопкерчилигине тартылат.

Тема боюнча

COVID-19. Мирзиёев медиктерге 2600 долларга чейин кошумча акы төлөмөй болду
Centerra Gold Inc. 2016-жылдан бери биринчи ирет акционерлерге дивиденд төлөйт
Жакшы кабар! Коронавирус менен реанимацияда жаткан 5 киши палатага которулду
Белгилер:
дарыгер, аял, мас, милиция, Кант

ЭҢ МААНИЛҮҮ