Чукул кабар! Кыргызстанда өзгөчө кырдаал жарыяланды

© Sputnik / Табылды КадырбековӨзгөчө кырдаал учурунда аскрлер. Архив
Өзгөчө кырдаал учурунда аскрлер. Архив - Sputnik Кыргызстан
Жазылуу
21-мартка карата алынган маалымат боюнча Кыргызстанда коронавирус жуктургандардын жалпы саны 12ге жетти.

БИШКЕК, 21-мар. — Sputnik. Кыргызстанда 22-марттан баштап бир айлык мөөнөткө өзгөчө кырдаал жарыяланды. 

Буга чейин Коопсуздук кеңеши премьер-министр Мухаммедкалый Абылгазиевге Кыргызстан боюнча өзгөчө кырдаал режимин киргизүү сунушун берген. 

“Борбор калаага жана башка облустарга блокпостторду коюу, биринчи кезекте керектелүүчү товарларды жана медикаменттерди жеткирүүнүн жол-жобосу аныкталды. Өлкө ичиндеги авиакаттамдардын жана коомдук транспорттун, азык-түлүк дүкөндөрү жана дарыканалардын иштөө тартиби бекитилди. Ар бир аймактын жетекчиси киргизилген режимдин так сакталышына жооптуу болот. Эң биринчи калкты тамак-аш менен камсыздоо маселесин чечүү шарт. Бизде чет өлкөдөн товар ташып келүүдө эч кандай тоскоолдук жок. Андыктан элибизде тамак-аш жана медикамент тартыштыгы жаралбашы керек”, — деди Абылгазиев.

Ошондой эле өкмөт башчы Бишкек, Ош шаарларына жана вирус аныкталган райондорго өзгөчө көңүл буруу керектигин белгилеген.

Эске салсак, 21-мартта, Баткенде беш, Сузакта бир адамдан коронавирус аныкталды. Ошентип Кыргызстанда коронавирус жуктургандардын жалпы саны 12ге жетти.

Коронавирус Кыргызстанда

Аскерлер блокпостун жанында. Архив - Sputnik Кыргызстан
Өзгөчө абал менен өзгөчө кырдаалдын айырмасы эмнеде. Түшүндүрмө
Кыргызстанда 18-мартта коронавирус биринчи жолу Сауд Аравиядан кичи ажылыктан келген үч адамга жукканы аныкталды. Үчөө тең Жалал-Абад облусуна караштуу Сузак районунун тургундары. Алар менен кошо 12-мартта бир каттамда Бишкекке 144 адам келген. Анын экөө Өзбекстанга кетип, калган 142си изоляцияга алынган.

Ал эми 20-мартта умрага барып келген дагы үч адамдан COVID-19 табылганы маалым болду. Алар Ош облусуна караштуу Ноокат районунун тургундары. Учурда аймактык ооруканада жатышат, үчөөнүн тең абалы канааттандырарлык.

Сузак жана Ноокат райондоруна өзгөчө кырдаал киргизилген.

Өзгөчө кырдаал деген эмне жана бул учурда жашоо кандай өзгөрөрү тууралуу Sputnik Кыргызстан агенттигинин макаласынан окуп алыңыз.

Жаңылыктар түрмөгү
0