14:19 03 Чын Куран 2020
Түз эфир
  • USD84.8988
  • EUR92.7010
  • RUB1.0895
Коом
Кыскача шилтеме алуу
Коронавируска байланыштуу Кыргызстандагы кырдаал (675)
127 0 0

Облуста 127 пансионат, 192 эс алуу үйү, 119 мейманкана, 12 эс алуу борбору, үч реабилитациялык борбор жана балдар эс алган 19 лагерь иштейт.

БИШКЕК, 20-мар. — Sputnik. Ысык-Көл облусундагы бардык пансионат, эс алуу үйлөр карантинге жабылат. Бул тууралуу Республикалык штабдан кабарлашты.

Өкмөттүн Ысык-Көл облусундагы өкүлү Акылбек Осмоналиевдин айтымында, мындай чечим коронавирус инфекциясынын жайылышына бөгөт коюу максатында облустук штабдын бүгүнкү отурумунда кабыл алынган.

"Облустун аймагында коронавирустун жайылып кетпешин алдын алуу максатында Саламаттык сактоо министрлигинин сунуштамаларын аткарышыбыз керек", — деген Осмоналиев.

Ысык-Көл облусунда 127 пансионат, 192 эс алуу үйү, 119 мейманкана, 12 эс алуу борбору, үч реабилитациялык борбор жана балдар эс алган 19 лагерь иштейт.

Кыргызстандагы коронавирус

Кыргызстанда 18-мартта коронавирус биринчи жолу Сауд Аравиядан кичи ажылыктан келген үч адамга жукканы аныкталды. Үчөө тең Жалал-Абад облусуна караштуу Сузак районунун тургундары. Алар менен кошо 12-мартта бир каттамда Бишкекке 144 адам келген. Анын экөө Өзбекстанга кетип, калган 142си изоляцияга алынган.

Ал эми бүгүн, 20-мартта, умрага барып келген дагы үч адамдан COVID-19 табылганы маалым болду. Алар Ош облусуна караштуу Ноокат районунун тургундары. Учурда аймактык ооруканада жатышат, үчөөнүн тең абалы канааттандырарлык.

Түзүлгөн кырдаалга байланыштуу Сузак жана Ноокат райондоруна өзгөчө кырдаал киргизилди.

Кыргызстанда коронавируска байланышкан бардык маалыматтарды биздин тексттик трансляциядан окуп туруңуздар.

Тема:
Коронавируска байланыштуу Кыргызстандагы кырдаал (675)

Тема боюнча

Коронавирус тууралуу 10 факт. Антибиотикти тоотпойт, кеч билинет, акчадан жугат
Окумуштуулар: коронавирус пандемиясы адамзаттын өмүрүн сактайт
Коронавирус кыйсыпыры жана кыргыздар. Абалды ашкерелеген үч нерсе
Белгилер:
коронавирус, карантин, пансионат, Ысык-Көл

ЭҢ МААНИЛҮҮ