12:00 27 Бугу 2020
Түз эфир
  • USD74.0750
  • EUR81.1788
  • RUB1.0412
Коом
Кыскача шилтеме алуу
Коронавируска байланыштуу Кыргызстандагы кырдаал (1421)
356 0 0

Түлөбаев эл көп колдонгон азык-түлүккө баа дароо кымбаттап кетсе, ага ошол базардын администрациясы жооп берерин кошумчалады.

БИШКЕК, 15-мар. — Sputnik. Ундун баасын жөнгө салып жатабыз. Бул тууралуу Бишкек мэриясынын аппарат жетекчиси Балбак Түлөбаев билдирди.

Белгилей кетсек, 13-март күнү кечтен тарта Бишкектин айрым дүкөндөрүндө, базарларда кезек күткөндөр көбөйүп, соцтармакта унду талап алып кетип жаткандардын видеолору тараган. Айрымдар ундун бир кабы 2000 сомго чейин сатылып жатканын айткан. 

 Руководитель аппарата мэрии города Бишкек Балбак Тулобаев во время мониторинга по недопущению необоснованного повышения цен на продукты в рынках Бишкека
© пресс-служба мэрии города Бишкек
Мэриянын кызматкерлери Ленин райондук администрациясы, Монополияга каршы жөнгө салуу мамлекеттик агенттигинин өкүлдөрү менен ун саткан бир катар базар, кампаларды кыдырып чыгышты

Түлөбаевдин айтымында, бүгүн, 15-мартта, мэриянын кызматкерлери Ленин райондук администрациясы, Монополияга каршы жөнгө салуу мамлекеттик агенттигинин өкүлдөрү менен ун саткан бир катар базар, кампаларды кыдырып чыгышкан.

"Бишкек шаарындагы "Ош", "Азиз" базарларын кыдырып, ун саткан жайлардын сатуучулары менен сүйлөштүк. Мындан сырткары, ун чыгарган комбинаттардын өкүлдөрү менен да жолуктук. Мисалы, "Акун" дүкөнүндө 1-сорт ун 50 сомго кымбаттаптыр, бааны көтөрүп жиберишпегенин айтты. Ал эми ошол эле дүкөндүн маңдайындагы кампалар бүгүн жабык. Кечээ ундун баасын 300-400 сомго дал ошолор жогору кылып жиберишкен экен. Карасак, кампасында ун толтура. Аларды чакырып түшүндүрүү иштерин жүргүздүк. Өз баасында сатабыз деп кол алыштык. Эл ызы-чуу түшпөсүн деп кире беришине милиция койдурттук ", — деди Түлөбаев.

Вице-премьер-министр Эркин Асрандиев. Архив
© Фото / пресс-служба правительства/ Алишер Алиев
Ал эл көп колдонгон азык-түлүккө баа дароо кымбаттап кетсе, ага ошол базардын администрациясы жооп берерин кошумчалады.

"Буга катуу жаза колдонобуз, керек болсо ал базарды жаап салабыз. Азыркы тапта паникага алдыруунун кажети жок. Себеби кампаларда ун жетиштүү. Ун чыгарган комбинаттар иштеп жатат, чек ара жабылган жок", — деди аппарат жетекчиси.

Азыркы тапта базарларда 1-сорттогу 50 килограммдык бир мүшөк ундун баасы болжол менен 1400 сомдун айланасында сатылып жатканы айтылды.

Тема:
Коронавируска байланыштуу Кыргызстандагы кырдаал (1421)

Тема боюнча

Жүрөктү зырп эттирген статистика. Коронавирус жуктургандар, өлгөндөр, сакайгандар
Өзбекстанда коронавирус катталды. Учурда эмне болуп жатат
Коронавирустан шек санагандар каякка чалса болот? Бейтапканалардын номери
Тамак-аш баарына жетет, паникага алдырбагыла! Мэрия элди ынтымакка чакырды
Белгилер:
баа, базар, мэрия, Балбак Түлөбаев, ун

ЭҢ МААНИЛҮҮ