19:23 27 Бугу 2020
Түз эфир
  • USD73.4900
  • EUR80.5230
  • RUB1.0341
Коом
Кыскача шилтеме алуу
Коронавируска байланыштуу Кыргызстандагы кырдаал (1428)
595 0 0

Жогорку Кеңештин депутаты Абдыбек Дүйшалиев менен вице-спикер Аида Касымалиева Берлинге барып келгенден соң үй карантинине алынган.

БИШКЕК, 14-мар. — Sputnik. Жогорку Кеңештин жакында эле Германиядан келген депутаты Абдыбек Дүйшалиевден алынган анализден коронавирус табылган жок. Бул туурасында ал Sputnik Кыргызстан агенттигине өзү айтып берди.

Парламентарий азыр абалы жакшы экендигин билдирди.

"Алгач, бизди учакта тепловизор менен текшерди. Андан соң аэропортто күтүп турган дарыгерлер анализ алып, бардык процедураларды жасады", — деди Дүйшалиев.

Ал 10-12 күндөн кийин дагы кошумча анализ алынарын айтты.

Буга чейин Германиядан келгенден кийин үй карантинине алынган вице-спикер Аида Касымалиевадан коронавирус табылбагандыгын айткан.

Парламенттик делегация өткөн жумада Германия парламентинин чакыруусу менен Берлин шаарына барган.

Белгилей кетсек, буга чейин Кыргызстан коронавирус кооптуулугу жагынан өлкөлөрдү үчкө бөлгөн. Эки күн мурда Германия биринчи категорияга кошулган. Эми ал жактан же ал аркылуу келген жарандар эки апталык медициналык жайда өтүүчү карантинге алынат.

Ал арада Казакстанда коронавирус жуктурган алты адам аныкталып, алардын экөөнүн Германиядан келгени белгилүү болду.

Тема:
Коронавируска байланыштуу Кыргызстандагы кырдаал (1428)

Тема боюнча

Коронавирустан улам жума намаз кыскартылды. Башка талаптар да коюлду
Кыргызстанда коронавирус билинбей жүрүшү мүмкүнбү? Министрдин жообу
Белгилер:
депутат, Жогорку Кеңеш, анализ, коронавирус, Кыргызстан

ЭҢ МААНИЛҮҮ