07:53 09 Чын Куран 2020
Түз эфир
  • USD84.8713
  • EUR92.1193
  • RUB1.1204
Коом
Кыскача шилтеме алуу
381 0 0

Профсоюздар федерациясынын мүчөлөрү төрага кызматта мыйзамсыз отурганын айтат. Бирок ал коюлган дооматтарды четке кагууда.

БИШКЕК, 25-фев. — Sputnik. Кыргызстандын профсоюзчулары митингге чыгып, Профсоюздар федерациясынын төрагасы Мирбек Асанакуновдун кызматтан кетишин талап кылууда.

  • Участники митинга с требованием отставки председателя Федерации профсоюзов КР Мирбека Асанакунова
    Кыргызстандын профсоюзчулары митингге чыгып, Профсоюздар федерациясынын төрагасы Мирбек Асанакуновдун кызматтан кетишин талап кылууда
    © Sputnik / Эламан Карымшаков
  • Участники митинга с требованием отставки председателя Федерации профсоюзов КР Мирбека Асанакунова
    Нааразычылык акциясына чыккандар алгач Ак үйдүн алдында туруп, андан соң Профсоюздар үйүнө барып Асанакуновдун кабинетинин эшигин каккылашты
    © Sputnik / Эламан Карымшаков
  • Председатель Федерации профсоюзов КР Мирбек Асанакунов
    Ичине киргенден кийин Мирбек Асанакунов өз версиясын айтып, коюлган дооматтарды четке какты.
    © Sputnik / Эламан Карымшаков
1 / 3
© Sputnik / Эламан Карымшаков
Кыргызстандын профсоюзчулары митингге чыгып, Профсоюздар федерациясынын төрагасы Мирбек Асанакуновдун кызматтан кетишин талап кылууда

Нааразычылык акциясына чыккандар алгач Ак үйдүн алдында туруп, андан соң Профсоюздар үйүнө барып Асанакуновдун кабинетинин эшигин каккылашты.

"Мирбек Асанакуновдун аялы Гүлкан Молдобекова Жогорку Кеңеште депутат. Ошол аркылуу келип төрага болуп алган. Ишин жакшы билбейт экен. Негизги талабыбыз — Асанакуновду кызматтан кетирүү. Андан соң федерациянын мүчөлөрү иштей турган төраганы шайлап алабыз", — деди федерациянын мүчөсү Рыспек Кадыралиев.

Ошондой эле алар буга чейин Профсоюздар федерациясынын мүчөлөрү Асанакуновду кызматтан алуу чечимин кабыл алганын жүйө келтирип, ал мыйзамсыз отурганын айтышты.

Чогулгандар тобу менен төраганын кабинетине кирүүгө аракет кылышты. Бирок эшикти тосуп турган кишилер аларды бир топко чейин өткөргөн жок. Кырдаалды милиция кызматкерлери көзөмөлдөп турду. Акырында федерациянын айрым мүчөлөрү менен журналисттерди киргизүү макулдашылды.

Ичине киргенден кийин Мирбек Асанакунов өз версиясын айтып, коюлган дооматтарды четке какты.

"Мени иштен алуу үчүн федерациянын 19 мүчөсү добуш бериши керек. Бирок ал жыйынга 14ү гана катышып, кворум болгон эмес. Булар укуктук талаада чече албай, ушинтип митинг уюштурушууда. Себеби мен кесиптик бирликтердин бюджети ачык айкын болсун деп жатам. Буга байланыштуу мыйзамдарга өзгөртүүлөр киргизилүүдө. Азыр кыйкырып жаткандар боюнча фактылар бар, мурда жеп-ичип кеткендерди кайра текшерели деп жатам. Жалал-Абад санаторийинен 10 миллион сомду жеп койгондор дале отурат", — деди Асанакунов.

Буга чейин депутаттар кесиптик бирликтердин укуктарын кайрадан ыраатташтыруу үчүн мыйзам долбоорун сунуштап, экинчи окуудан өткөн. Бирок Кесиптик бирликтердин федерация өкүлдөрү мыйзам долбооруна каршы чыккан. Бул мыйзам талкууга түшкөндүктөн талдоо үчүн атайын депутаттык комиссия түзүлгөн.

Аталган мыйзамга 1998-жылдан бери өзгөртүү киргизиле элек. Сунушталган долбоор кызматкерлердин жаш курагын 65тен ашырбоо, чогулган каражаттын ачык-айкындуулугун камсыздоого жана мамлекет тарабынан көзөмөлдү күчөтүүгө багытталган.

Тема боюнча

Мүлктөр итбекер сатылган. Прокуратура профсоюздар боюнча маалымат берди
400 миң сом айлык алышат! Депутат профсоюз башчыларынын маянасын санап берди
Белгилер:
эшик, кызмат, митинг, профсоюз

ЭҢ МААНИЛҮҮ