БИШКЕК, 25-дек. — Sputnik. Президент Сооронбай Жээнбеков Түркия лидери Режеп Тайип Эрдоганга жана түркия элине Элазык провинциясынын Сивриже шаарында жер титирөөнүн кесепетинен курман болгондорго байланыштуу көңүл айтты. Бул туурасында мамлекет башчынын маалымат кызматынан кабарлашты.
"Элазык провинциясынын Сивриже шаарында жер титирөөнүн кесепетинен көптөгөн жарандардын курман болгондугу тууралуу суук кабарды терең кайгыруу менен кабыл алдым. Кыргызстан элинин жана жеке өзүмдүн атымдан Сизге жана жалпы Түркия элине терең кайгыруу менен көңүл айтам. Каза болгондордун бир туугандарынын жана жакындарынын орду толгус жоготуу азасын тең бөлүшөм. Бардык жабыр тарткандардын тез арада сакайып кетүүсүн каалайм", — деп белгиленет көңүл айтуу телеграммасында.
Эске салсак, 24-январдын кечинде Түркиянын чыгыш тарабындагы Малатья жана Элазык провинцияларында жер титиреп, кеминде 20 адам көз жумуп, 1000ден ашууну жаракат алды.
