15:27 19 Бирдин айы 2020
Түз эфир
  • USD69.8406
  • EUR75.6129
  • RUB1.0952
Коом
Кыскача шилтеме алуу
251 0 0

Митингдин катышуучулары чек араны делимитациялоо жана Баткен облусун өнүктүрүү талабын коюуда.

БИШКЕК, 15-янв. — Sputnik. Жогорку Кеңештин алдында чек арадагы чыр-чатактарга байланышкан митинг өтүп жатканын Sputnik Кыргызстандын кабарчысы кабарлады.

  • В Бишкеке возле здания Жогорку Кенеша проходит митинг против приграничных конфликтов
    Жогорку Кеңештин алдында чек арадагы чыр-чатактарга байланышкан митинг өтүп жатканын Sputnik Кыргызстандын кабарчысы кабарлады
    © Sputnik / Максат Элебесов
  • В Бишкеке возле здания Жогорку Кенеша проходит митинг против приграничных конфликтов
    Митингге 100гө жакын адам чогулган
    © Sputnik / Максат Элебесов
  • В Бишкеке возле здания Жогорку Кенеша проходит митинг против приграничных конфликтов
    Алардын арасында Баткен облусунун жашоочулары жана кайдыгер эмес жарандар бар
    © Sputnik / Максат Элебесов
  • В Бишкеке возле здания Жогорку Кенеша проходит митинг против приграничных конфликтов
    Негизинен чогулгандар кыргыз өкмөтүнүн Кыргызстандын түштүгүндөгү чек арасын делимитациялоо иштерин жүргүзбөгөндүгүнө нааразы болушууда.
    © Sputnik / Максат Элебесов
1 / 4
© Sputnik / Максат Элебесов
Жогорку Кеңештин алдында чек арадагы чыр-чатактарга байланышкан митинг өтүп жатканын Sputnik Кыргызстандын кабарчысы кабарлады

Митингге 100гө жакын адам чогулган. Алардын арасында Баткен облусунун жашоочулары жана кайдыгер эмес жарандар бар. Негизинен чогулгандар кыргыз өкмөтүнүн Кыргызстандын түштүгүндөгү чек арасын делимитациялоо иштерин жүргүзбөгөндүгүнө нааразы болушууда. Катышуучулар күч түзүмү боюнча вице-премьер Жеңиш Разаковдун кызматтан кетишин талап кылып, аткаминердин чек ара маселесин чечүүдө алсыздык кылып жатканын жүйө келтиришүүдө.

Андан тышкары, чогулгандар чек ара аймагында жашаган жана чагымчылдык боюнча камакка алынган төрт жаранды бошотууну да айтышууда. Муну менен катар алар бийлик Баткен облусуна көп көңүл бурушу керектигин белгилешти.

"Биз Баткен облусун өнүктүрүү боюнча бардык программаларды көтөрүүнү талап кылабыз. Алар түзүлгөн, бирок азыркыга чейин ишке ашырылбай унутулуп келет. Жок дегенде аталган аймактын статусун көтөрүп, андагы жашоочулардын оюн эске алуу менен механизмдерди иштеп чыгуу керек. Азыр Баткен облусу иттин куйругундай болуп калды. 30 жыл аралыгында биздин абалыбыз начарлап эле бара жатат. 2020-жыл келип калганына карабай бир метр жерге да зым тартыла элек", — деди "Чек ара" АКнын активисти Асхат Осмонов.

Мындан тышкары, митингдин катышуучулары чек ара аймагынын жашоочуларына жеңилдик берип, жөлөк пул чегерилишин талап кылышты.

Чек арадагы абал

Кыргызстандын жана Тажикстандын желектери. Архив
© Пресс-служба президента КР / Султан Досалиев
Эске салсак, үстүбүздөгү жылдын 10-январына караган түнү чек арага жакын аймактарда тажикстандыктар эки кыргызстандыктын автоунаасын ташка алып талкаланган. Бир турак жайга да таш ыргытышкан. Ал жерге барган кыргызстандык чек арачылар менен милиционерлерге тажик тараптын ок чыгарганы айтылган.

Ал эми тажик тарап чек ара чырына кыргызстандыктарды күнөөлөп келет.

Кырдаалды жөнгө салуу боюнча эки өлкөнүн президенттери жана өкмөт башчылары телефон аркылуу сүйлөшүп, эки өлкөнүн делегациясы 14-январда жолугушкан.

Ушундай эле митинг учурда Баткенде да өтүп жатат.

Тема боюнча

Баткенде чек ара көйгөйүнөн улам уюштурулган митинг өтүүдө. Сүрөттөр
Белгилер:
митинг, Баткен, Бишкек, чек ара

ЭҢ МААНИЛҮҮ