16:28 01 Чын Куран 2020
Түз эфир
  • USD82.2000
  • EUR90.0665
  • RUB1.0389
Коом
Кыскача шилтеме алуу
147 0 0

Россиянын региондоруна убактылуу келгендер жана жашап жаткандарга кызамыкка каршы эмдөө жүргүзүлө баштады.

БИШКЕК, 3-янв. — Sputnik. Россиянын аймагында эмгектенген мигранттарды кызамыкка каршы эмдөөдөн өткөрүү иши 2020-жылдын 1-январынан тарта 31-декабрга чейин созулат. Бул туурасында Россиядагы колдонуучулардын жана адам жашоосунун жайлуулугун көзөмөлдөгөн федералдык кызматтын (Роспотребнадзор) сайтында айтылат. 

Маалыматта кызамыкка кабылгандар бардык өлкөдө көбөйүп жаткандыктан эмдөө жүргүзүлүп жатканы белгиленет.

Федералдык кызматтын токтомуна ылайык, Россиянын региондоруна убактылуу келгендер жана жашап жаткандар кызамыкка каршы эмдөөдөн өтө элек болсо, үстүбүздөгү жылдын 1-январынан жыл этегине чейин вакцина сайылат.

Мигранттар арасында эмдөө ишин жумуш берүүчүлөр менен региондогу саламаттыкты сактоо өкүлдөрү камсыз кылат.

Бүткүл дүйнөлүк саламаттык сактоо уюмунун маалыматы боюнча, былтыр кызамыктан 140 миңден ашык адам каза тапкан. Россияда бир жылда 4 миңден ашык адам аталган илдетке кабылары аныкталган.

Россияда 2019-жылы кызамыкка каршы бир миллиондон ашык адам эмдөөдөн өткөн. Анын 181 миңи мигранттар болуп саналат.

Тема боюнча

Эмдөөнүн эч бир түрү аутизмге алып келбейт. Вакцинация тууралуу адистин маеги
Оторбаева: сасык тумоого чалдыккандар былтыркыга караганда быйыл аз
Белгилер:
эмдөө, кызамык, Мигрант, Россия

ЭҢ МААНИЛҮҮ