Жаңы айдоочулук күбөлүктүн баасы бекиди. Документтин сүрөтү

© Фото / пресс-служба ГРС КРЖаңы айдоочулук күбөлүк
Жаңы айдоочулук күбөлүк - Sputnik Кыргызстан
Жазылуу
Буга чейин жаңы күбөлүктөрдүн бланкы 100 сом 86 тыйын экендиги айтылган. Анткен менен айдоочулук күбөлүктүн наркы андан да жогору экендиги белгилүү болду.

БИШКЕК, 11-дек. — Sputnik. Жаңы айдоочулук күбөлүктүн наркы 573 сомго кыскарып, жалпысынан 733 сомду түздү. Бул туурасында Мамлекеттик каттоо кызматынан билдиришти.

Кыргызстандын жаранынын паспорту. Архив - Sputnik Кыргызстан
Каттоо кызматы: 1994-жылкы үлгүдөгү 117 миң паспорт жоголуп кеткен
9-декабрдан тарта жаңы үлгүдөгү айдоочулук күбөлүктөр берилип баштады. Алар арыз жазгандан төрт күндөн кийин даяр болот. Бул күбөлүк Бишктектеги бир гана "Инфоком" ишканасында жасалышы менен байланыштуу. Андан кийин аймактарга жөнөтүлөт.

Мамкаттоодон белгилешкендей, бланктарды сатып алуу мурдагыга караганда тогуз эсе ылдыйлап, 100 сом 86 тыйынды түздү. Анткен менен билдирмеден айдоочулук күбөлүктүн баасы бланкка караганда бир топ жогору экендигин байкоого болот.

Буга чейин түзүлгөн айдоочулук күбөлүктүн баасы:

  • Айдоочулук курам боюнча маалыматтардын түзүлүшү — 184 сом;
  • Каттоо жана транспорт каражатын башкаруу үчүн айдоочулук күбөлүктү берүү — 184 сом;
  • Бланк —12 евро (937 сом);
  • Жалпысынан — 1 миң 305 сом 80 тыйын

Жаңы күбөлүктөрдүн баасы кантип бекитилди:

  • Айдоочулук курам боюнча маалыматтардын түзүлүшү — 184 сом;
  • Каттоо жана транспорт каражатын башкаруу үчүн айдоочулук күбөлүктү берүү — 184 сом;
  • Бланк —100 сом 86 тыйын (кошумча банктын төлөмдөрү болот);
  • Жекелештирүү боюнча кызмат — 255 сом;
  • Жеткирүү — 9 сом 63 тыйын;
  • Жалпысынан — 732 сом 63 тыйын.

Мамкаттоо айдоочулук күбөлүктөрдү жекелештирүү менчик компаниялардан мамлекеттик мекемелерге өткөнүн эскертти.

© Фото / пресс-служба ГРС КРЖаңы айдоочулук күбөлүктүн наркы 573 сомго кыскарып, жалпысынан 733 сомду түздү
Жаңы айдоочулук күбөлүктүн баасы бекиди. Документтин сүрөтү - Sputnik Кыргызстан
Жаңы айдоочулук күбөлүктүн наркы 573 сомго кыскарып, жалпысынан 733 сомду түздү

Жаңы айдоочулук күбөлүктүн дизайны жакшыртылып, жогорку сапаттагы материалы (поликарбонат) менен айырмаланып турат. Бланк жалпысынан 20 коргоочу элементке ээ экендиги белгиленди.

© Фото / пресс-служба ГРС КР9-декабрдан тарта жаңы үлгүдөгү айдоочулук күбөлүктөр берилип баштады
Жаңы айдоочулук күбөлүктүн баасы бекиди. Документтин сүрөтү - Sputnik Кыргызстан
9-декабрдан тарта жаңы үлгүдөгү айдоочулук күбөлүктөр берилип баштады

Эске салсак, быйыл июнь айынан тарта Мамлекеттик каттоо кызматы айдоочулук күбөлүк бербей калган. Себебин эски үлгүдөгү бланктар жок калды деп түшүндүргөн. Ал эми жаңысы басыла элек болчу. Айдоочулук күбөлүктүн жаңы үлгүсү басылып чыкканга чейин ордуна убактылуу бланк берилип келген. Ал 2019-жылдын 31-декабрына чейин гана жарактуу болуп саналат.

Буга чейин мекемеден күбөлүктөр 1-октябрдан тарта берилип баштарын билдиришкен. Бирок ноябрдын ортосуна, андан кийин декабрдын башына жылдырылып, кийинчерээк 9-декабрда берилери айтылган.

Жаңылыктар түрмөгү
0