07:40 28 Үчтүн айы 2020
Түз эфир
  • USD69.8500
  • EUR77.0201
  • RUB1.1205
Коом
Кыскача шилтеме алуу
318 0 0

Чет жактан алган карыздар туура пайдаланбай калгандыктан Кыргызстанга ири суммада айып салынганы аныкталган.

БИШКЕК, 9-дек. — Sputnik. Мурдагы финансы министри Адылбек Касымалиев чет өлкөдөн алынган насыяларды туура иштетүүгө көзөмөл кылбаганы үчүн кызматтан алынган. Бул тууралуу Жогорку Кеңештин депутаты Эмил Токтошев билдирди.

Ал эми буга чейин өкмөт башчы Мухаммедкалый Абылгазиев министр иштен ден соолугуна байланыштуу өз эрки менен кеткенин айткан болчу.

Эске салсак, Кыргызстан 1992-жылдан бери төрт банктан алган кредитти убагында иштетпей койгону үчүн 772 миллион 257 миң сом айып төлөгөн. Бул боюнча Sputnik агенттиги материал жасап, тиешелүү аткаминерлердин шалаакылыгынан бюджетке сокку урулганын ачыктаган.

Аталган иш боюнча кимдерге чара көрүлгөнүн парламенттин Бюджет жана финансы комитетинин төрагасы Эмил Токтошев менен финансы министринин орун басары Алмазбек Азимовдон сурадык.

"Эсеп палатасы аудиттин жыйынтыгын парламентке алып келгенде маселе көтөрүлгөн. Ушунун айынан финансы министри Адылбек Касымалиев кызматтан кеткен. Өздөштүрүлбөгөн каражат үчүн төлөнгөн айып пулдар Касымалиевдин кетишине бирден-бир себеп болду. Министрдин орун басары Мирлан Байгончоковго сөгүш берилген", — деди Токтошев.

Ал эми Азимов бул иш боюнча Финансы министрлигинин башкармалыктарынын жетекчилерине жана башка мекемелердин башчыларына катуу сөгүш берилгенин билдирди. Тагыраак айтканда, энергетика, транспорт жана айыл чарба тармагынын жетекчилери өкмөт башчынын каарына калган.

Адылбек Касымалиев Финансы министрлигин төрт жылга чукул жетектеп, 2018-жылдын 6-декабрында кызматтан бошотулган.

Тема боюнча

Аткаминерлердин аккаунтуна эмне кызыктар жарыяланат? Рейтинг
Өкмөттө эң көп жана эң аз айлык алган министрлер. Тизме
Белгилер:
карыз, кызмат, Финансы министрлиги, Адылбек Касымалиев

ЭҢ МААНИЛҮҮ