10:48 16 Бештин айы 2019
Түз эфир
  • USD69.8482
  • EUR78.0693
  • RUB1.1166
Абак. Архивдик сүрөт

Абылгазиев: №1 СИЗО менен абактар Бишкектин ичинен көчүрүлөт

© Sputnik / Алексей Филиппов
Коом
Кыскача шилтеме алуу
204 0 0

Жарандардын коопсуздугу үчүн абактар калаанын тышында болот. Жаза аткаруу мамлекеттик кызматы абактар кайсы жакта болорун жана пландалган иштер качан ишке ашарын тактады.

БИШКЕК, 14-ноя. — Sputnik. №1 тергөө абагы менен №47 түзөтүү колониясы Бишкек шаарынын ичинен көчүрүлөт. Бул тууралуу премьер-министр Мухаммедкалый Абылгазиев Жогорку Кеңештин жыйынында билдирди.

Өкмөт башчы 2019-жылдын бюджети боюнча отчёт берип жатып, кийинки жылы кылмыш-жаза системасында кандай иштер жасаларына токтолду.

"ЖАМКтын жетекчилигине тапшырмаларды бердик. Биз абактар менен СИЗОлорду Бишкектин тышына көчүрүшүбүз керек. 2019-жылы бул иштерди аткаруу үчүн акча бөлүп, долбоор даярдалды. №1 тергөө абагы менен №47 түзөтүү колониясын көчүрүү керек", — деди Абылгазиев.

Жаза аткаруу мамлекеттик кызматынын төрагасынын орун басары Таалайбек Нуралиев көчүрүү иштери биринчи кезекте жарандардын коопсуздугу үчүн жасалып жатканын белгиледи.

"№47 түзөтүү колониясын №31 түзөтүү колониясы орун алган Молдовановка айылына көчүрүүнү пландап жатабыз. Ал жакта кургак учукту дарылаган оорукана бар. Андан сырткары, 5 гектар жер бар. ЖАМКтын курамындагы бардык оорукана бир жерде болот. №1 СИЗОну Алга айылына көчүрөлү деп жатабыз. Бул жерде 50-СИЗО бар", — деди Нуралиев.

Көчүрүү иштерине канча каражат кетери азырынча белгисиз. Нуралиевдин айтымында, эгер керектүү каражат маалында бөлүнсө көчүрүү иштери жарым жылдын ичинде аяктайт.

Көчүрүлгөндөн кийин №1 СИЗО менен 47-түзөтүү колониясынын жери мамлекетке берилет.

Андан сырткары, Ош шаарында 1937-жылы курулган СИЗОну көчүрүү маселеси да талкууланып жатат.

Тема боюнча

Адам өлтүрүү азайып, башка кылмыштар көбөйдү. Прокуратуранын статистикасы
Белгилер:
абак, Мухаммедкалый Абылгазиев, өкмөт, көчүрүү, Жаза аткаруу мамлекеттик комитети

ЭҢ МААНИЛҮҮ