06:07 15 Бештин айы 2019
Түз эфир
  • USD69.8482
  • EUR78.0693
  • RUB1.1166
Айлампа жол. Архив

Горький — 7-Апрель көчөлөрүнүн кесилиши айлампа жол болот. Схема

© Sputnik / Евгений Биятов
Коом
Кыскача шилтеме алуу
53910

Автоинспекторлор нөөмөткө чыгып, бул жердеги жол кыймылына киргизилип жаткан жаңы жагдайга көз салып, байкоо жүргүзөт.

БИШКЕК, 6-ноя. — Sputnik. Бишкек шаарында 8-ноябрдан тарта Горький — 7-Апрель көчөлөрүнүн кесилиши айлампа жол болот. Бул туурасында мэриянын маалымат кызматынан кабарлашты.

Муниципалитет бул күнү аталган аймактарда жол кыймылы татаалдашы мүмкүндүгүн айтты.

Маалыматка караганда, өзгөртүү 7-Апрель менен Анкара көчөсүнөн башталат. Жолдун схемасын өзгөртүү боюнча долбоордун үстүнөн "Бишкек асфальт сервис" менен мэриянын Капиталдык курулуш башкармалыгы иштеп жатат. Кесилиштеги айлампа жол алгач пилоттук режимде иштейт.

Көчөлөрдүн кесилишиндеги светофорлор өчүрүлүп, тиешелүү жол белгилери орнотулат. Борбордо бетондон жасалган тоскоолдуктар коюлуп, айлампа тосмолор пайда болот.

Ал эми ошол жерге коюлган "Коопсуз шаар" видеокамералары бул учурда убактылуу өчүрүлүп турат.

Жол кыймылы коопсуздугун камсыздоо боюнча башкы башкармалыктын кызматкерлери аталган тилкедеги жол кыймылынын тартибине көз салып турмакчы. Эгерде тажрыйба оңдой берди болуп ийгиликтүү өтсө, Бишкекте кезектеги айлампа жол пайда болот. Анда келерки жылдын башынан тарта ал кесилиште реконструкция иштери башталат.

Мындай тажрыйбаны Чүй проспектиси менен 7-Апрель көчөсүнүн кесилишинде да жасап көрүү пландалууда.

Тема боюнча

Кулиев көчөсүнүн кулпурар күнү бардыр. Өлкөнүн кире беришинен көчө баян
Белгилер:
жол, Бишкек, Кыргызстан

ЭҢ МААНИЛҮҮ