23:15 28 Тогуздун айы 2020
Түз эфир
  • USD81.6688
  • EUR96.0833
  • RUB1.0531
Коом
Кыскача шилтеме алуу
Сапар Исаковдун камалышы (41)
666 0 0

Бир нече кылмышка айыпталган Сапар Исаков 2018-жылдын июнь айынан бери тергөө абагында кармалууда.

БИШКЕК, 27-окт. — Sputnik. Сот отурумуна катышуудан баш тарткан мурдагы премьер-министр Сапар Исаков мажбурланып алып келинет. Бул тууралуу Бишкек шаардык сотунун маалымат кызматы билдирди.

Свердлов райондук сотунда Бишкек ЖЭБди модернизациялоого байланышкан кылмыш иши каралып жатат. 24-октябрдагы жараянга Исаков катышуудан баш тартып, тергөө абагынан чыкпай койгон.

"Айыпталуучу Сапар Исаков соттук отурумга келүүдɵн баш тарткандыгына байланыштуу сот айыпталуучуну мажбурлоо менен алып келүү токтомун кабыл алды. Кийинки жараян 28-октябрда саат 9:00дө болот", — деп айтылат маалыматта.

Мындан тышкары, айыпталуучулар Айбек Калиев жана Сапар Исаковдун жактоочулары айрым бир тараптарды мажбурлап алып келүүнү суранган. Сот алардын ɵтүнүчүн канааттандырган.

Сапар Исаков 2018-жылдын июнь айынан бери УКМКнын тергөө абагында кармалууда. Ушу тапта ал бир нече мурунку жогорку кызматта тургандар менен бирге ЖЭБди модернизациялоо боюнча соттолуп жатат. Исаков жылуулук борборун жаңылаган Кытайдын ТВЕА компаниясынын кызыкчылыгын көздөгөн деп айыпталууда.

Ошондой эле Мамлекеттик тарых музейин реконструкциялоо жана Чолпон-Атадагы ипподромдун курулушу боюнча козголгон кылмыш иштин негизинде күнөөлөнүп жатканы маалым.

Тема:
Сапар Исаковдун камалышы (41)

Тема боюнча

Сапар Исаков ооруканадан кайра тергөө абагына которулду
Белгилер:
мажбурлоо, сот, абак, Сапар Исаков

ЭҢ МААНИЛҮҮ