БИШКЕК, 23-окт. — Sputnik. Бишкек шаарынын Абдумомунов көчөсүндөгү эски аянтка мамлекеттик ишмер Турдакун Усубалиевдин ысымы ыйгарылмай болду.
Мындай чечим бүгүн, 23-октябрда, Бишкек шаардык кеңешинин кезектеги жыйынында кабыл алынды. Токтом 2020-жылдын октябрь айында күчүнө кирет.
Депутаттар документтин долбоорун угуп, бир ооздон колдоп беришти.
Буга чейин президент Сооронбай Жээнбеков Токтогул ГЭСин реконструкциялоонун биринчи фазасынын жыйынтыкталышына карата уюштурулган салтанаттуу иш-чарада энергетиктердин Курпсай ГЭСине Турдакун Усубалиевдин ысымын ыйгаруу демилгесин колдой турганын айткан. Ошондой эле Тянь-Шандагы чокулардын бирине дагы Усубалиевдин ысымы ыйгарылган.
2019-жылы Турдакун Усубалиевдин 100 жылдыгы майрамдалууда.
