10:46 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Талас районунун Арал айыл өкмөтүндө 320 метрлик сугат канал оңдолуп пайдаланууга берилди. Суук түшкөнгө чейин дагы 180 метр курулат.

Таласта жакыр үй-бүлөлөр канал куруп, акысына азык-түлүк алышты

© Sputnik / Табылды Кадырбеков
Коом
Кыскача шилтеме алуу
160 0 0

Долбоор аркылуу канал курган айылдын жакыр үй-бүлөлөрү кызмат акысына байытылган ун жана май алышты.

БИШКЕК, 21-сен. — Sputnik. Талас районунун Арал айыл өкмөтүндө 320 метрлик сугат канал оңдолуп пайдаланууга берилди. Суук түшкөнгө чейин дагы 180 метр курулат.

Бул долбоорду ишке ашыруу үчүн Россия мамлекети БУУнун Дүйнөлүк азык-түлүк программасы (ДАТП) аркылуу каржылык колдоо көрсөттү. Ал эми курулуш материалдары, техника жергиликтүү бийлик тарабынан берилген.

  • Передана на использование 320 метровый канал в Аральском айыл окмоту в Таласском районе
    Талас районунун Арал айыл өкмөтүндө 320 метрлик сугат канал оңдолуп пайдаланууга берилди. Суук түшкөнгө чейин дагы 180 метр курулат.
    © Sputnik / Табылды Кадырбеков
  • Передана на использование 320 метровый канал в Аральском айыл окмоту в Таласском районе
    Бул долбоорду ишке ашыруу үчүн Россия мамлекети БУУнун Дүйнөлүк азык-түлүк программасы (ДАТП) аркылуу каржылык колдоо көрсөттү.
    © Sputnik / Табылды Кадырбеков
1 / 2
© Sputnik / Табылды Кадырбеков
Талас районунун Арал айыл өкмөтүндө 320 метрлик сугат канал оңдолуп пайдаланууга берилди. Суук түшкөнгө чейин дагы 180 метр курулат.

Россиянын Кыргызстандагы элчиси Николай Удовиченко, БУУ ДАТПтын Кыргызстандагы директору Андреа Баньоли аталган аймакка барып каналды көрүштү.

Арал айыл өкмөтүнүн башчысы Бактыбек Апышев суу тартыштыгы быйыл аз да болсо жоюлганын билдирди.

"Бул канал аркылуу 600 гектар жерди сугарабыз. Ушул жер жапыз болгондуктан суу аяк тарабына жетпей сиңип кете берчү. Быйыл сугат маалына чейин каналды оңдоп алып, жакшы жардам болду. Жалпы 35 адам иштеп, ар бири алты кап ун, 35 литр май алды. Дагы 1,5 чакырымды жасап алсак суудан көйгөй жаралбай калат", — деди Апышев.

Айыл өкмөт башчысы Россиянын элчисинен каналды аягына чейин чыгарууга көмөктөшүүнү суранды.

"Жергиликтүү тургундар өз ара биргелешип жасаганыңыздар кубандырат. Эми аягына чейин деп суранып жатасыздар. Эгер Баньоли мырза да макул көрсө башын баштагандан кийин бүтүрүүгө жардам берели", — деди элчи.

БУУ ДАТПтын Кыргызстандагы директору Андреа Баньоли мындай долбоор өлкөнүн бир топ аймактарында ишке ашып жатканын белгиледи.

"Сиздер көрүп турган канал Кыргызстанда эки жылда биз ишке ашырган 1700дөн ашуун долбоордун бири. Негизги максатыбыз — тургундардын жашоо-шартын жакшыртуу. Биз аз камсыз болгон үй-бүлөлөргө балык бербей, кайырмак берип балык уулоону үйрөтөбүз", — деди Баньоли.

Талас облусунда БУУ ДАТП Россиянын каржылык колдоосу менен сугат каналдарды калыбына келтирүү, таза суу менен камсыздоочу системаларды орнотуу, көпүрө куруу сыяктуу 83 талаа долбоорун ишке ашырды. Ага 1000 аялуу үй-бүлө катышып, абалын жакшырта алган.

Мындай грант Эмгек жана социалдык өнүктүрүү министрлиги менен биргеликте жакыр үй-бүлөлөргө колдоо көрсөтүү максатында берилет.

Тема боюнча

Таласта сугат каналын курган жакыр үй-бүлөлөр ун, май менен камсыздалууда
Белгилер:
кайра куруу, канал, Талас

ЭҢ МААНИЛҮҮ