11:59 27 Үчтүн айы 2020
Түз эфир
  • USD69.8443
  • EUR77.1640
  • RUB1.1301
Коом
Кыскача шилтеме алуу
Максат жана Сай чек ара бекеттерине атылган ок (42)
83210

"Кулунду" Баткен облусунун Лейлек районундагы Кулунду айылынын түндүк тарабында жайгашкан. Чектөөнүн үчүнчү өлкөлөрдүн жарандарына тиешеси жок.

БИШКЕК, 17-сен. — Sputnik. Тажик тарап бир тараптуу негизде "Кулунду" көзөмөл өткөрүү жайында Кыргызстандын жана Тажикстандын жарандарын өткөрүүнү убактылуу токтотту. Бул туурасында Кыргызстандын Мамлекеттик чек ара кызматы кабарлады.

"Бирок бул чектөөнүн үчүнчү өлкөлөрдүн жарандарына тиешеси жок, алар аталган көзөмөл өткөрүү жайын кесип өтө алышат", — деп айтылат маалыматта.

Ал эми 2019-жылдын 17-сентябрында кыргыз-тажик мамлекеттик чек ара тилкесиндеги "Кулунду" көзөмөл өткөрүү жайынан башка бекеттер кадимки тартипте иштеп жаткандыгы айтылды.

Эске салсак, 16-сентябрда кечке жуук тажик чек арачылары Кыргызстандын Максат жана Сай чек ара бекеттерине ок аткан. Анын кесепетинен бир аскер каза болуп, 13 кишинин жаракат алганы кабарланган. Жабырлануучулардын жетөө аскер кызматкери болсо, алтоо — жай тургундар. Баарына медициналык жардам берилип, Исфана шаарындагы райондук ооруканага жеткирилген. Эки аскердин абалы оор.

Ушул тапта окуя болгон жерде премьер-министр Мухаммедкалый Абылгазиев баштаган аткаминерлер жүрөт.

Кыргыз жана тажик өкмөттөрүнүн ортосундагы Макулдашууга ылайык кыргыз-тажик мамлекеттик чек ара тилкесинде беш көзөмөл-өткөрүүчү жай жайгашкан.

"Кулунду" көзөмөл өткөрүү жайы көп тараптуу, күнү-түнү иштейт. Ал Баткен облусунун Лейлек районундагы Кулунду айылынын түндүк тарабында жайгашкан.

Тема:
Максат жана Сай чек ара бекеттерине атылган ок (42)

Тема боюнча

Жээнбеков: чек ара чырын эл аралык-укуктук алкакта чечели
Баткендеги чек ара чырында 12 жаштагы бала ок жеди. Жарадарлардын тизмеси
Белгилер:
чек ара, кыргыз-тажик чек арасы, Лейлек району, Баткен облусу

ЭҢ МААНИЛҮҮ